Кумитаи давлатии идораи замин ва геодезии Ҷумҳурии Тоҷикистон дар шаш моҳи ахири соли 2020 баҳри иҷрои Стратегияи муқовимат бо коррупсия ба таври доимӣ дар ҳар як маҷлис корҳои фаҳмондадиҳӣ гузаронида, баҳри пешгирии амалҳои коррупсионӣ пайваста ҷаҳду талош менамояд.

Дар ин бора Хоҷазода Ориф Ашӯрӣ, раиси Кумитаи давлатии идораи замин ва геодезӣ, 17 июл дар нишасти матбуотӣ иттилоъ дод.

Хоҷазода Ориф Ашӯрӣ дар идома гуфт: “Имрӯзҳо аз тарафи зерсохторҳои кумита дар минтақаҳо камбудиҳо ба назар мерасад, аммо ин камбудиҳоро мо дар якҷоягӣ бо дастгирии ВАО-и кишвар, Прократураи генералӣ ва дигар мақомотҳои дахлдор бартараф карда истодаем. Мо ҷамъбасти нимсолаи 2020-ро гузаронидем. Таҳлилҳоеро, ки Прократураи генералӣ ба мо пешниҳод намуданд, аллакай як нафар корманди Кумитаи идораи замини ноҳияи Шаҳритуз бинобар зиёд будани эътирозҳо нисбаташ ҷиҳати ҷудо намудани замин аз вазифа сабукдӯш карда шуд”.