ҶОМЕА
Шанбе 20 Июл 2024 02:59
9297
Пажӯҳишгоҳҳои лоиҳакашӣ ва корхонаҳои воҳиди давлатии тобеи Кумитаи меъморӣ ва сохтмони назди Ҳукумати Ҷумҳурии Тоҷикистон дар соли 2022 ба маблағи беш аз 35 миллион сомонӣ корҳои лоиҳакашӣ, хизматрасонӣ, ҷустуҷӯию тадқиқотиро ба анҷом расониданд.

Дар ин бора Низом Мирзозода, раиси кумитаи мазкур зимни нишасти матбуотии рӯзи 8 феврали соли ҷорӣ иттилоъ дод.

“Дар давраи ҳисоботӣ шумораи лоиҳаҳои сохтмон аз рӯи манбаъҳои маблағгузорӣ аз буҷети давлатӣ - 220, грант - 139, худмаблағгузор - 324 ва сармоя - 14 ададро ташкил кард” - гуфт Низом Мирзозода.

Номбурда ҳамчунин қайд кард, ки ба сифати харҷномаи лоиҳаҳо диққати ҷиддӣ дода шуда, дар ин давра аз харҷномаи иншоотҳо дар маҷмуъ 287 миллиону 913 ҳазор сомонӣ кам карда шуд, ки бо ин васила арзиши корҳои сохтмонию васлгарӣ ба ҳамин маблағ арзон гардид.

Ҳошим РАҲМАТУЛЛОЕВ, “ҶТ”

Эзоҳи худро нависед



Рамзҳо дар расм