19 декабри соли ҷорӣ дар Маркази тадқиқоти стратегии назди Президенти Ҷумҳурии Тоҷикистон маҳфили навбатии журналистикаи иқтисодӣ - “Тавозун” доир гардида, дар доираи он “Дастурамал оид ба амалисозии ташаккули назорати парламентӣ ва иҷрои буҷети давлатии Ҷумҳурии Тоҷикистон” муаррифӣ шуд.

Дар маҳфил раиси Кумитаи Маҷлиси намояндагони Маҷлиси Олии Ҷумҳурии Тоҷикистон Шариф Раҳимзода иштирок намуда, "Дастурамал оид ба ҷорӣ намудани назорати парлумонӣ дар бахши идораи молияи давлатӣ"-ро ба ҳозирин шарҳ дод. Ҳамчунин, барои муаррифии Дастурамали мазкур намояндагони вазоратҳои молия, рушди иқтисод ва савдо, корҳои хориҷӣ, илм ва маориф, тандурустӣ ва ҳифзи иҷтимоии аҳолӣ, Кумита оид ба сармоягузорӣ ва идораи амволи давлатӣ, Палатаи савдо ва саноат, Палатаи ҳисоб, Кумитаи андоз, Маркази тадқиқоти стратегӣ ва дигар идораҳои марбута дават шуданд.

Гуфта шуд, ки ҳадафи Дастурамали мазкур ба танзим даровардани ҷараёни назорати парлумонӣ ва мунтазам намудани он аз болои давраҳои буҷетӣ дар кишвар аст, ки аз ҷониби вакилони Маҷлиси намояндагони Маҷлиси Олии Ҷумҳурии Тоҷикистон дар марҳилаи ташаккулиёбии буҷети давлатӣ амалӣ мешавад. Дастурамали зикршударо вакилони Кумитаи Маҷлиси намояндагони Маҷлиси Олии Ҷумҳурии Тоҷикистон оид ба иқтисод ва молия тибқи талаботи қонунгузорӣ ва таҷрибаи беҳтарини байналхалқӣ таҳия намуда, имконоти назоратии парлумонро нисбати буҷет ва дигар масоили идораи молияи давлатӣ устувор менамояд.

Бояд гуфт мақсад аз чорабинии мазкур ҷалби ҷомеаи шаҳрвандӣ ва доираи васеи журналистон ин ба муҳокимаи фаъоли кашидани масоили вобаста ба мукаммалгардонии назорати парлумонӣ дар низоми умумии молияи давлатӣ ва ташаккули шаклҳо ва усулҳои он мебошад.