Ба ифтихори Рӯзи Истиқлолияти давлатии Ҷумҳурии Тоҷикистон дар маркази ноҳияи Дарвоз, ҷамоати Қалъаи Хумб манораи Парчами миллӣ ва Нишони давлатӣ сохта мешавад.

Дар ин бора Талабшо Аламов мудири Бахши кор бо ҷавонон ва варзиши ноҳия хабар дода гуфт, ки ҳоло бо ҷалби зиёда аз 35 нафар кормандони идораву муассисаҳои маҳаллӣ ҳашари умумӣ рафта, пояи сутуни 45 метраи ливои миллӣ аллакай гузошта шудааст.

Дар назар аст, ки ин иншооти муқаддаси миллӣ имсол дар арафаи Рӯзи Истиқлолият барафрохта шавад.