ҶОМЕА
Чоршанбе 08 Феврал 2023 01:37
8966
Чанде пеш дар асоси дастуру супориши Сарвари давлат дар маркази маъмурии ВМКБ, шаҳри Хоруғ бузургтарин чорабинии сатҳи байналмилалӣ, яъне Форуми соҳибкориву сармоягузории “Помиринвест – 2022” доир гардид. Дар он зиёда аз 150 нафар, аз ҷумла роҳбарону намояндагони сохторҳои марбутаи давлатӣ, сармоягузорон аз Федератсияи Русия, Ҷумҳурии Халқии Хитой, Туркия, Ҷумҳурии Қазоқистон ва доираҳои соҳибкории шаҳри Душанбе, ВМКБ ва вилоятҳои Суғду Хатлон иштирок намуданд.

Дар ҷараёни чорабинии сатҳи баланд ҷалби сармояи ватаниву хориҷӣ ба иқтисодиёти ВМКБ, рушди соҳаҳои саноат ва энергетика дар вилоят бо таваҷҷуҳ ба эълон гардидани “Солҳои рушди саноат” ва дигар масоили калидии рушду пешрафти вилоят ба таври васеъ муҳокима гардида, дар доираи баргузории он 30 санади нави ҳамкорӣ ба маблағи беш аз 950 млн. сомонӣ дар соҳаҳои сохтмон, истихроҷ, кишоварзӣ, саноати коркард, ташкили IT- паркҳо ва дигар санадҳои ояндадор ба имзо расид.

Бо мақсади пешбурди фаъолияти сайёҳии ВМКБ ва таъмини рақобати озоду солим дар бозори он бо тартиби муқарраргардида, феълан ба 49 субъекти хоҷагидори вилоят аз тарафи Кумитаи рушди сайёҳии назди Ҳукумати кишвар иҷозатномаи фаъолияти сайёҳӣ дода шуда, бо дастгирии ҳукумату ҷалби сармояи Бонки Ҷаҳонӣ Қалъаи бузурги таърихии вилоят - Ямчуни ноҳияи Ишкошим азнавсозӣ гардид.

Мушкилии норасоии нақлиёти мусофирбарӣ дар маркази вилоят ва танзиму ҳаракати он дар хатсайрҳои шаҳрӣ аз масоили ҳалталабе буданд, ки давоми солҳо ҳалли худро наёфтанд. Вале дар ҳошияи дастуру роҳнамоиҳои Роҳбари давлат ба наздикӣ воситаҳои муосири нақлиёти мусофирбар, аз қабили чор автобус, 10 адад таксиҳои мусофирбарии 1616, 1111 ва 3333 дар хизмати сокинони маркази вилоят қарор гирифт. Яъне баъзе мошинҳо тариқи муҳаррики электрикӣ ҳаракат намуда, ин ибтикор дар таърихи соҳибистиқлолӣ бори нахуст дар вилоят рӯи кор омада, ба рушди минбаъдаи шаҳр, нигаҳдошти экология ва бартараф намудани мушкили ҷойдоштаи сокинон мусоидат мекунад.

Бар замми ин, 19 августи соли равон бо дастгирии Пешвои миллат корвони ангишт вориди маркази вилоят шуд. Аз миёни 30 мошини пурбор, 10 адад барои сокинони Хоруғ ҷудо гардида, 300 тонна дар бозори 20 - солагии Истиқлолият тариқи ярмарка бо нархи дастрас, яъне се маротиба арзонтар аз бозорҳои дохилӣ ба фурӯш гузошта шуд.

Худи ҳамин рӯз бахшида ба таҷлили бошукӯҳи 31- солагии Истиқлолияти давлатии Ҷумҳурии Тоҷикистону баҳри таҳкими неруи зеҳнии мардум, хусусан ҷавонону наврасон ва мукаммал гардондани захираи китобии китобхонаҳои вилоят бо адабиёти тозанашр аз ҳисоби Барномаи давлатии рушди муассисаҳои фарҳангии кишвар 3 ҳазору 440 нухса китоб ба маблағи 100 ҳазор сомонӣ ба тариқи ройгон дастрас гардид. Ин икдоми некро сокинони вилоят бо самимияти хос пазируфта, дилхоҳ китобҳоро бо нархи арзон дастрас намуданд.

Ногуфта намонад, ки феълан бунёди садҳо иншооти муҳими иқтисодӣ - иҷтимоӣ, саноатӣ - фарҳангӣ ва тиббию варзишӣ дар шаҳру ноҳияҳои ВМКБ бомаром идома дошта, ҳамаи ин дастгириҳо дар доираи супоришҳои бевоситаи Пешвои муаззами миллат амалӣ шуда истодаанд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 1 2 3 4 5

Феврал 2023 c.