ҶОМЕА
Панҷшанбе 28 Май 2026 04:03
29 декабр дар толори Филармонияи давлатии Тоҷикистон ба номи Акашариф Ҷӯраев маросими тантанавии тақдими медалҳо ба дастаи футболи КМВА-и Вазорати мудофиаи Ҷумҳурии Тоҷикистон баргузор гардид.
Ин ҳамоиши варзишию фарҳангӣ ҷамъбасти як мавсими пурбор барои футболи артиши кишвар ба шумор рафта, натиҷаҳои назарраси дастаҳои гуногуни КМВА-ро расман эътироф намуд.
Дар маросими мазкур вазири мудофиаи Ҷумҳурии Тоҷикистон генерал-полковник Эмомалӣ Собирзода, ноибони президенти Федератсияи футболи Тоҷикистон Алишер Урунов ва Сайвалӣ Дониёрзода, директори генералии Лигаи футболи Тоҷикистон Субҳон Шодиев, намояндагони роҳбарияти Вазорати мудофиа, мутахассисони соҳаи варзиш ва дигар меҳмонони фахрӣ иштирок намуданд.
Зимни чорабинӣ таъкид гардид, ки дастаи асосии футболи КМВА дар мавсими 2025-и Лигаи олии Тоҷикистон бо баромади устувор ва рақобатпазир медали биринҷиро соҳиб шуд. Ин дастовард натиҷаи заҳмати пайвастаи футболбозон, мураббиён ва роҳбарияти бошгоҳ арзёбӣ гардид.
Ҳамзамон, тими ҷавонони КМВА дар чемпионати ҷавонони кишвар бо нишон додани бозии ҷолиб ва натиҷаҳои қаноатбахш медали нуқра ба даст овард. Дастаи то 18-солаи КМВА низ дар Лигаи “Пешсаф” бо баромади шоиста соҳиби медали нуқра гардид, ки аз фаъолияти босамари низоми тайёркунии захираҳои варзишӣ дар дохили бошгоҳ гувоҳӣ медиҳад.
Инчунин, дар маросим иттилоъ дода шуд, ки роҳбарияти КМВА бо мақсади мукаммал намудани сохтори бошгоҳ лоиҳаи таъсиси дастаи занонаи футболро таҳия намудааст. Ин даста қарор аст аз мавсими соли 2026 дар Лигаи бонувони Тоҷикистон ширкат варзида, ба омода намудани футболбозони касбӣ барои тимҳои мунтахаби бонувони кишвар саҳм гузорад.
Қайд гардид, ки таваҷҷуҳ ба рушди футболи бонувон, бахусус дар доираи сохторҳои варзишии артиш, метавонад имкониятҳои навро барои ҷалби духтарону бонувон ба варзиш фароҳам оварда, захираи кадрии футболи миллиро густариш диҳад.
Дар фарҷом маросими тақдими медалҳо дар фазои идона баргузор гардида, иштирокчиён дастовардҳои дастаи футболи КМВА-ро ҳамчун намунаи ҳамгироии интизоми низомӣ ва руҳияи варзишӣ арзёбӣ намуданд. Рушди мунтазами футболи артиш қадами устувор дар роҳи таҳкими мавқеи футболи Тоҷикистон дар сатҳи миллӣ ва байналмилалӣ унвон гардид.
Яҳё МАҲМАДНАБИЕВ, "ҶТ"
Ин ҳамоиши варзишию фарҳангӣ ҷамъбасти як мавсими пурбор барои футболи артиши кишвар ба шумор рафта, натиҷаҳои назарраси дастаҳои гуногуни КМВА-ро расман эътироф намуд.
Дар маросими мазкур вазири мудофиаи Ҷумҳурии Тоҷикистон генерал-полковник Эмомалӣ Собирзода, ноибони президенти Федератсияи футболи Тоҷикистон Алишер Урунов ва Сайвалӣ Дониёрзода, директори генералии Лигаи футболи Тоҷикистон Субҳон Шодиев, намояндагони роҳбарияти Вазорати мудофиа, мутахассисони соҳаи варзиш ва дигар меҳмонони фахрӣ иштирок намуданд.
Зимни чорабинӣ таъкид гардид, ки дастаи асосии футболи КМВА дар мавсими 2025-и Лигаи олии Тоҷикистон бо баромади устувор ва рақобатпазир медали биринҷиро соҳиб шуд. Ин дастовард натиҷаи заҳмати пайвастаи футболбозон, мураббиён ва роҳбарияти бошгоҳ арзёбӣ гардид.
Ҳамзамон, тими ҷавонони КМВА дар чемпионати ҷавонони кишвар бо нишон додани бозии ҷолиб ва натиҷаҳои қаноатбахш медали нуқра ба даст овард. Дастаи то 18-солаи КМВА низ дар Лигаи “Пешсаф” бо баромади шоиста соҳиби медали нуқра гардид, ки аз фаъолияти босамари низоми тайёркунии захираҳои варзишӣ дар дохили бошгоҳ гувоҳӣ медиҳад.
Инчунин, дар маросим иттилоъ дода шуд, ки роҳбарияти КМВА бо мақсади мукаммал намудани сохтори бошгоҳ лоиҳаи таъсиси дастаи занонаи футболро таҳия намудааст. Ин даста қарор аст аз мавсими соли 2026 дар Лигаи бонувони Тоҷикистон ширкат варзида, ба омода намудани футболбозони касбӣ барои тимҳои мунтахаби бонувони кишвар саҳм гузорад.
Қайд гардид, ки таваҷҷуҳ ба рушди футболи бонувон, бахусус дар доираи сохторҳои варзишии артиш, метавонад имкониятҳои навро барои ҷалби духтарону бонувон ба варзиш фароҳам оварда, захираи кадрии футболи миллиро густариш диҳад.
Дар фарҷом маросими тақдими медалҳо дар фазои идона баргузор гардида, иштирокчиён дастовардҳои дастаи футболи КМВА-ро ҳамчун намунаи ҳамгироии интизоми низомӣ ва руҳияи варзишӣ арзёбӣ намуданд. Рушди мунтазами футболи артиш қадами устувор дар роҳи таҳкими мавқеи футболи Тоҷикистон дар сатҳи миллӣ ва байналмилалӣ унвон гардид.
Яҳё МАҲМАДНАБИЕВ, "ҶТ"
Хабарҳои дигар
Рӯзнома
Эзоҳи худро нависед