Бо мақсади пешгирии паҳншавии бемориии коронавирус, эмин нигоҳ доштани аҳолӣ аз он дар ноҳияи Ишкошим бо ташаббуси волонтёрони Бахши кор бо ҷавонон ва варзиши ноҳия дар ҳамкорӣ бо марказҳои санитарӣ - эпидемиологӣ ва саломатии ноҳия машғулиятҳои тамизу безараргардонӣ гузаронида шуданд.

Ба иттилои масъулини бахш чунин машғулиятҳову корҳои фаҳмондадиҳӣ асосан дар кучаҳои Мирзо Бобоков ва Алигавҳар Набиеви маркази ноҳия гузашта, дар ҷараёни он нақлиёти гуногуне, ки аз хатсайри Душанбе – Хоруғ ва Хоруғ - Ишкошим ба ноҳия ворид шуданд, бо маводҳои махсуси антисептикӣ тамиз гаштанд.

Инчунин ҷиҳати беҳудагардӣ накардани сокинон дар давраи пандемияи умумиҷаҳонӣ корҳои тарғиботӣ пиёда шуда, ба аҳолӣ ва мусофирону ронандагон маводҳои зарурӣ вобаста ба пешгирии СОVID тақсим карда шуд.