ҶОМЕА
Якшанбе 16 Июн 2019 03:35
5778
Имрӯз 26 апрел, дар маҷлисгоҳи Кумитаи миллии олимпӣ чорабинии супоридани гувоҳномаҳо ба шунавандагони семинари омӯзишии “Мавқеи занон дар татбиқи сиёсати иҷтимоии давлат” баргузор гардид.
 
Дар чорабинӣ  Аҳтам Абдуллозода, раиси Кумитаи кор бо ҷавонон ва варзиш, намояндагони бахшҳои ҷавонону занони кумитаву идораҳо, муассисаҳои таҳсилоти олии шаҳри Душанбе ва ҷавонони фаъол иштирок намуда,  доир ба масъалаи нақши занон дар тамоми ҷанбаҳои зиндагӣ суханронӣ намуданд.

Аҳтам Абдуллозода, раиси Кумитаи кор бо ҷавонон ва варзиш, зимни баромади хеш мавқеи занонро дар рушди ҷомеаи имрӯза калидӣ арзёбӣ намуда, рушди як қатор сохторҳои ҳаётан муҳимро ба занон вобаста донист. Ӯ аз ҷумла вобаста ба нақши занон дар татбиқи сиёсати иҷтимоии давлат суханронӣ карда, гуфт, ки бе ишитироки занон наметавон ба натиҷаҳои баландтар дар ин самт даст ёфт. 

- Дар зиндагӣ пешоҳанг будани зан ва дорои фарҳанг буданаш имкон медиҳад, ки сатҳи маънавии оила баланд шуда, кӯдакон ва дигар аъзои оила аз ҳар ҷиҳат солиму зирак ташаккул ёбанд. Ҳоло занон дар ҷомеаи Тоҷикистон бештар аз 50 дарсади аҳолиро ташкил дода, дар пешрафти соҳаҳои мухталифи хоҷагии халқи мамлакат нақши муассир мебозанд. Бузурге фармудааст: “Ҷомеае фаъол шумурда мешавад, ки дар он занон мавқеи пешоҳангӣ дошта бошанд”. Заноне дар ҷомеа фаъол буда метавонанд, ки соҳибмаърифатанд, - гуфт А. Абдуллозода.

Дар қисмати ниҳоии чорабинӣ ба 67 нафар иштирокчиёни семинари болозикр, ки аз 17 то 19-уми апрел доир гардида буд, гувоҳномаҳо тақдим гардид.

01.gif
03.gif

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.