Ба Маркази миллии қонунгузорӣ 75 лоиҳаҳои санадҳои меъёрии ҳуқуқӣ барои гузаронидани экспертизаи ҳуқуқӣ ворид гардиданд.

Дар ин бора имрӯз Изатулло Саидзода, директори Маркази миллии қонунгузории назди Президенти Ҷумҳурии Тоҷикистон дар нишасти матбуотӣ иттилоъ дод.

Номбурда дар идома таъкид намуд, ки баҳри бартараф намудани камбудиҳо ва мукаммалу мушаххас гардонидани механизми татбиқи қонунҳо ба субъектони ҳуқуқэҷодкунанда 329 таклиф манзур шуд.

- Дар асоси нақшаи кории марказ барои соли 2022- 6 адад санадҳои меъёрии ҳуқуқӣ, аз ҷумла Қонуни конститутсионии Ҷумҳурии Тоҷикистон "Дар бораи мақомоти маҳаллии ҳокимияти давлатӣ", қонунҳои Ҷумҳурии Тоҷикистон "Дар бораи Ваколатдор оид ба ҳуқуқи инсон дар Ҷумҳурии Тоҷикистон " , "Дар бораи мақомоти худидоракунии шаҳрак ва деҳот", "Дар бораи маҷлисҳо, гирдиҳамомада, намоишҳо ва роҳпаймоиҳо", "Дар бораи ислоҳоти замин", "Дар бораи хизматрасонии иҷтимоӣ" бо мақсади дар оянда такмил додани меъёрҳои онҳо аз экспертизаи ҳуқуқӣ гузаронида шуданд, ки дар маҷмӯъ 67 таклиф рӯйи кор омад, - гуфт И. Саидзода.