Маркази миллии тестии назди Президенти Ҷумҳурии Тоҷикистон (ММТ) ба тестгузаронии компютерӣ мегузарад. Дар ин бора кормандони маркази мазкур 19 феврал зимни нишасти хабарӣ ба намояндагони ВАО иттилоъ доданд.

Зикр гардид,ки тестгузаронии компютерӣ дар муқоиса бо тестгузаронии варақаӣ бартариҳои зиёде дорад, аз ҷумла кам кардани хароҷот барои ташкилу баргузории имтиҳонҳо, натиҷагирии фаврии имтиҳонҳо ва баланд бардоштани дараҷаи объективии натиҷаҳо. Дар самти мазкур Марказ корҳои муҳимро ба иҷро расонида,соли 2020-ум раванди таҳияи барномаи шабакавии тестгузаронии компютерӣ оғоз гардидааст.

Маркази миллии тестӣ аз соли 2014 инҷониб фаъолият дошта, довталабон бо гузаштан аз ин низом ба муассисаҳои таҳсилоти олии кишвар дохил мегарданд.