ҶОМЕА
Чоршанбе 21 Май 2025 01:03
Имрӯз дар толори маҷлисгоҳи КВД КТН “Шарқи Озод” ба ифтихори 100-солагии рӯзномаи “Ҷумҳурият” муаррифии 4 китоби тозанашри ин нашрия доир гардид.
Чорабинии мазкур бо ибтикори Нашрияи расмии Ҷумҳурии Тоҷикистон - рӯзномаи “Ҷумҳурият” доир гардида, дар он олимону адибон, сармуҳаррирони рӯзномаву маҷаллаҳои давлатӣ, муҳаққиқони соҳаи журналистика ва кормандони имрӯзаву собиқи рӯзномаи мазкур иштирок ва суханронӣ намуданд.
Нахуст, Қурбоналӣ Раҳмонзода, сармуҳаррири рӯзномаи “Ҷумҳурият” суханронӣ намуда, ҳозиринро ба маҳфили мазкур хайрамақдам гуфт.
Сипас, зимни баромадҳо 4 китоби тозанашр - “100 сол Энсиклопедияи “Ҷумҳурият” 1925-2025, “Аз “Иди тоҷик” то “Ҷумҳурият” 1925-2025”, “Ҷумҳурият”: дирӯз ва имрӯз” ва “Дӯстони тоҷикон”, ки бо ташаббуси рӯзномаи “Ҷумҳурият” дар ростои 100-солагии ин ҷарида чоп шудаанд, баҳри иштирокчиён муаррифӣ карда шуда, роҷеъ ба мазмуну муҳтаво ва ҳадафи таълифи он ибрози назар сурат гирифт.
Дар ҷараёни ҳамоиш ҳамзамон нашри махсуси Нашрияи расмии Ҷумҳурии Тоҷикистон “Ҷумҳурият”, ки рамзӣ дар ҳаҷми 100 саҳифаи ранга ба дасти хонанда расидааст, муаррифӣ гардид.
Таъкид гардид, ки рӯзномаи “Ҷумҳурият” дар таърихи якасраи фаъолияти хеш дар баланд бардоштани маънавиёти мардум саҳми арзанда гузоштааст. Нахустин нашри он, ки соли 1925 бо номи “Иди тоҷик” рӯйи чоп омада буд, барои мардуми Тоҷикистон ид буд. Фаъолияти пурсамари ин рӯзномаро ба назар гирифта, онро “модари матбуоти тоҷик” номидаанд.
Инчунин, гуфта шуд, ки “Ҷумҳурият” нақши таърих дар оинаи зиндагии миллати тоҷик аст. Нашрияест ҳамсоли Тоҷикистони азиз ҳамчун давлат ва минбарест, ки тули як аср дар роҳи пойдории давлат, бедории миллӣ, баланд бардоштани сатҳи худогоҳию худшиносии мардум ва талқини маҳфуз доштани арзишҳои муқаддасе чун ватандорию ватанпарастӣ саҳми бузург гузоштааст.
Дар идома, инчунин адибони шинохтаи кишвар Абдулҳамид Самад, Камол Насрулло, муҳаққиқи соҳаи рӯзноманигорӣ Мурод Муродӣ, собиқадорони нашрия ва дигарон доир ба таърихи якасраи рӯзномаи мазкур андешаронӣ намуданд.
Дар охир ба чанде аз иштирокчиёни ҳамоиш медали 100-солагии рӯзномаи “Ҷумҳурият” дар вазъияти тантанавӣ супорида шуд.
Б. ҚАЮМӢ,
Ҳ. РАҲМАТУЛЛОЕВ, “ҶТ”
Чорабинии мазкур бо ибтикори Нашрияи расмии Ҷумҳурии Тоҷикистон - рӯзномаи “Ҷумҳурият” доир гардида, дар он олимону адибон, сармуҳаррирони рӯзномаву маҷаллаҳои давлатӣ, муҳаққиқони соҳаи журналистика ва кормандони имрӯзаву собиқи рӯзномаи мазкур иштирок ва суханронӣ намуданд.
Нахуст, Қурбоналӣ Раҳмонзода, сармуҳаррири рӯзномаи “Ҷумҳурият” суханронӣ намуда, ҳозиринро ба маҳфили мазкур хайрамақдам гуфт.
Сипас, зимни баромадҳо 4 китоби тозанашр - “100 сол Энсиклопедияи “Ҷумҳурият” 1925-2025, “Аз “Иди тоҷик” то “Ҷумҳурият” 1925-2025”, “Ҷумҳурият”: дирӯз ва имрӯз” ва “Дӯстони тоҷикон”, ки бо ташаббуси рӯзномаи “Ҷумҳурият” дар ростои 100-солагии ин ҷарида чоп шудаанд, баҳри иштирокчиён муаррифӣ карда шуда, роҷеъ ба мазмуну муҳтаво ва ҳадафи таълифи он ибрози назар сурат гирифт.
Дар ҷараёни ҳамоиш ҳамзамон нашри махсуси Нашрияи расмии Ҷумҳурии Тоҷикистон “Ҷумҳурият”, ки рамзӣ дар ҳаҷми 100 саҳифаи ранга ба дасти хонанда расидааст, муаррифӣ гардид.
Таъкид гардид, ки рӯзномаи “Ҷумҳурият” дар таърихи якасраи фаъолияти хеш дар баланд бардоштани маънавиёти мардум саҳми арзанда гузоштааст. Нахустин нашри он, ки соли 1925 бо номи “Иди тоҷик” рӯйи чоп омада буд, барои мардуми Тоҷикистон ид буд. Фаъолияти пурсамари ин рӯзномаро ба назар гирифта, онро “модари матбуоти тоҷик” номидаанд.
Инчунин, гуфта шуд, ки “Ҷумҳурият” нақши таърих дар оинаи зиндагии миллати тоҷик аст. Нашрияест ҳамсоли Тоҷикистони азиз ҳамчун давлат ва минбарест, ки тули як аср дар роҳи пойдории давлат, бедории миллӣ, баланд бардоштани сатҳи худогоҳию худшиносии мардум ва талқини маҳфуз доштани арзишҳои муқаддасе чун ватандорию ватанпарастӣ саҳми бузург гузоштааст.
Дар идома, инчунин адибони шинохтаи кишвар Абдулҳамид Самад, Камол Насрулло, муҳаққиқи соҳаи рӯзноманигорӣ Мурод Муродӣ, собиқадорони нашрия ва дигарон доир ба таърихи якасраи рӯзномаи мазкур андешаронӣ намуданд.
Дар охир ба чанде аз иштирокчиёни ҳамоиш медали 100-солагии рӯзномаи “Ҷумҳурият” дар вазъияти тантанавӣ супорида шуд.
Б. ҚАЮМӢ,
Ҳ. РАҲМАТУЛЛОЕВ, “ҶТ”
Хабарҳои дигар
Рӯзнома
Эзоҳи худро нависед