Вазорати кишоварзии Ҷумҳурии Тоҷикистон дар тамоми минтақаҳои кишвар дар майдони 115 ҳазору 981 гектар коркарди кимиëвӣ бар зидди малах гузаронидааст.

Дар ин бора Ҷаббор Носирзода, муовини вазири кишоварзии Ҷумҳурии Тоҷикистон иттилоъ дода, дар идома гуфт:

- Ҷиҳати сари вақт ба анҷом расонидани чорабиниҳои мубориза бар зидди малах дар мавсими соли 2022, 727 адад техника ва дигар таҷҳизотҳои заруриро дар ҳолати корӣ омода ва сафарбар намудем.

Ҳамзамон гуфта шуд, ки барои боз ҳам беҳтар намудани фаъолияти кории муассиса дар доираи марҳилаи дуюми “Беҳтар намудани мубориза бар зидди малах” ва “омодагӣ ба ҳолати фавқулодаи пешгирии авҷи зарароварии малах” 8 адад трактори тамғаи МТЗ - 82.1 ва 26 адад дорупошакҳои TOC, OBX ва қанотдор дастрас карда шуд.

Зуҳро РИЗОЗОДА, “ҶТ”