ҶОМЕА
Якшанбе 28 Ноябр 2021 07:16
8076
Раиси Кумитаи Ҳаракати ваҳдати миллӣ ва эҳёи Тоҷикистон Рудобаи Мукаррам ва муовини раиси Вилояти Мухтори Кӯҳистони Бадахшон Назира Амирбекзода бо сокинону фаъолон ва роҳбарони идораву муассисаҳои маҳаллии ноҳияи Мурғоб мулоқот карданд.

Нахуст, раиси ноҳия Раҷабзода Ҳусния Ҳукуматшо меҳмононро барои ташриф овардан ба ноҳия хайрамақдам гуфта, иброз намуд, ки сокинони ин ноҳияи баландкӯҳи мамлакат дар тавсеаи корҳои созандагиву бунёдкорӣ ва омодагӣ ба истиқболи 30 – умин солгарди Истиқлолияти давлатӣ ҳамаи талошҳоро равона намудаанд.

Рудобаи Мукаррам дар навбати худ қайд кард, ки Ваҳдати миллӣ пояи асосии Истиқлолияти давлатӣ, ягонагию сулҳу суботи ҳар як кишвар буда, дарки моҳияту асолати он барои ҳар тоҷику тоҷикистонӣ фарзу зарур аст.
Муовини раиси ВМКБ Назира Амирбекзода оид ба таҷлили ду ҷашни бағоят муҳиму тақдирсози миллӣ, яъне 24 – умин солгарди Ваҳдати миллӣ ва сисолагии Истиқлол ҳарф зада, аз ҳамагон даъват намуд, ки баҳри боз ҳам сазовор пешвоз гирифтани ин ҷашнҳо неруву иродаи матини меҳанпарастиро нишон диҳанд.

Дар фарҷоми вохӯрӣ аз номи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ятимони кулли ноҳия туҳфаҳои гуногун тақдим гардид.


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Ноябр 2021 c.