5 ва 7-уми апрел бо мақсади иҷрои дастуру супоришҳои Президенти Ҷумҳурии Тоҷикистон, муҳтарам Эмомалӣ Раҳмон, ки санаи 30 марти соли ҷорӣ дар маҷлиси Ҳукумати Ҷумҳурии Тоҷикистон баён намуданд, намояндаи ваколатдори Ҳукумати Ҷумҳурии Тоҷикистон, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода, намояндаи мақомоти иҷроияи ҳокимияти давлатии вилояти Суғд, сардори Раёсати кор бо ҷавонон ва варзиши вилояти Суғд, Мирзоқосим Каримзода бо ҳамроҳии раиси ноҳия Ашуралӣ Ҷалилзода ба Ҷамоатҳои деҳоти Росровут, Муҷун ва Ваҳдати ноҳияи Деваштич ташриф оварда, бо фаъолону масъулин ва сокинони ҳудуди ҷамоатҳо вохӯрию мулоқот намуданд.

Дар рафти мулоқот Абдулло Раҳмонзода оид ба моҳияти нуктаҳои асосии Паёми Президенти кишвар ба Маҷлиси Олӣ, масъалаи даъвати ҷавонон ба хизмати ҳарбӣ ва анҷом додани корҳои таблиғотӣ дар ин самт, истифодаи сарфакоронаи қитъаҳои замини наздиҳавлигӣ, баланд бардоштани ҳосилнокии заминҳо, ба роҳ мондани кишти зироатҳо, зиёд намудани майдони кишти картошка, истифодаи сарфакоронаи неруи барқ, вусъати корҳои ободонию бунёдкорӣ ба ифтихори истиқболи сазовори ҷашни 35-солагии Истиқлоли давлатӣ, бунёди корхонаву коргоҳҳои хурди истеҳсолӣ, хизматрасонӣ, беҳтар намудани шароити зиндагии мардум дар деҳот, бунёди инфрасохторҳои муҳими иҷтимоӣ дар деҳот, таъмири роҳҳо ва беҳсозии вазъи муассисаҳои маорифу тандурустӣ дар деҳот ибрози назар намуда, ба масъулин дастуру супоришҳо доданд.