Имрӯз дар асоси Нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Донишгоҳи давлатии молия ва иқтисоди Тоҷикистон мулоқот дар мавзуи “Тарбияи ватандӯстии шаҳрвандон - омили таҳкими пояҳои давлатдории миллӣ" доир гардид.

Мулоқоти мазкур баҳри татбиқи Қонуни Ҷумҳурии Тоҷикистон “Дар бораи тарбияи ватандӯстии шаҳрвандон” баргузор шуда, дар он муовини раиси Кумитаи кор бо ҷавонон ва варзиш Сураҷ Чоршанбезода ва муовини ректори Донишгоҳи давлатии молия ва иқтисод Баҳодур Ҷурахонзода иштирок ва суханронӣ карданд.

Зикр гардид, ки тарғибу ташвиқи ғояҳои ватандорию ватандӯстӣ дар марҳилаи кунунии инкишофи Тоҷикистон бағоят муҳим аст. Зарур аст, ки ҷавонон дар бораи ғояҳои ватандӯстию ватанпарварӣ маълумоти кофӣ дошта бошанд ва онро ба фоидаи рушду инкишофи ҷомеа ва давлату давлатдорӣ истифода намоянд.
Дар хотима аз ҷониби масъулини Кумита ба як қатор устодону кормандони донишгоҳ барои фаъолияти арзанда ва судманд Сипоснома супорида шуд.

А. МУҲАММАД, “ҶТ”