Дар соли 2018 дар кишвар 134 451 нафар шахсони никоҳшаванда аз муоинаи тиббӣ гузаронида шудааст.

Дар ин бора масъулини Вазорати тандурустӣ ва ҳифзи иҷтимоии аҳолии ҷумҳурӣ, 8 феврал, зимни нишасти хабарӣ ба рӯзноманигорон иттилоъ доданд.

Гуфта шуд, ки дар натиҷаи муоинаи тиббӣ аз нафарони никоҳшаванда 1429 нафар сироятёфтагон бо зардпарвин (гепатит)-и вируси намуди “В”, 198 нафар бо зардпарвини вируси намуди “С”, 58 нафар бо вируси норасоии масунияти одам (ВНМО), 17 нафар бо бемории сил, 13 нафар бо бемории оташак, инчунин ва 58 нафар бо бемориҳои рӯҳӣ дарёфт гардиданд. Ба шахсони бо беморӣ дарёфтшуда, баъди табобати соҳавӣ, ба ғайр аз беморони гирифтори сирояти ВНМО, маълумотнома барои ақди никоҳ дода шудааст.