Аз 65 шаҳру ноҳияҳои ҷумҳурӣ таҳияи нақшаҳои генералии 64 шаҳру ноҳияҳо пурра ба анҷом расида, бо қарорҳои Ҳукумати Ҷумҳурии Тоҷикистон тасдиқ гардидааст ва мавриди амал қарор доранд.

Зувайдзода Маҳмадсаид, раиси Кумитаи меъморӣ ва сохтмони назди Ҳукумати Ҷумҳурии Тоҷикистон имрӯз зимни нишастаи хабарӣ бо зикри ин нукта ҳамчунин таъкид намуд, ки лоиҳаи нақшаи генералии ноҳияи Данғара пас аз таҳия ва мувофиқасозӣ бо вазорату идораҳо аз ҷониби мақомоти иҷроияи ҳокимияти давлатии вилояти Хатлон ба Ҳукумати Ҷумҳурии Тоҷикистон пешниҳод гардидааст ва дар баррасии Ҳукумати ҷумҳурӣ қарор дорад.

Ҳамзамон гуфта шуд, ки аз ҷониби ҶСК "Шаҳрофар" тасҳеҳи нақшаҳои генералии шаҳрҳои Норак, Леваканд ва ноҳияҳои Вахшу Балҷувон пурра ба анҷом расида, ҳоло дар мувофиқасозӣ бо вазорату идораҳои дахлдор қарор доранд.