ҶОМЕА
Якшанбе 14 Июл 2024 12:16
8322
Имрӯз, якуми октябри соли 2021, Вилояти Мухтори Кӯҳистони Бадахшон чун ҳамеша дар Ҷумҳурии Тоҷикистон аз аввалинҳо шуда, нақшаи даъвати тирамоҳии ҷавонписарон ба сафи Қувваҳои Мусаллаҳи Ҷумҳурии Тоҷикистонро 100 фоиз иҷро намуд
.
Ба ин муносибат дар Варзишгоҳи марказии шаҳри Хоруғ бо иштироки раиси ВМКБ Ёдгор Файзов, раиси шаҳри Хоруғ Мирзонабот Алишер, раиси ноҳияи Ишкошим Мирзозода Мусо Одинамуҳамад, роҳбарият ва масъулини мақомотҳои маҳаллии ҳокимияти давлатии дигар ноҳияҳо, сарбозон, кормандони сохторҳои маҳалливу қудратӣ, наваскарону волидони онҳо ва ҷавонони вилоят иштирок намуданд.

Нахуст Ё. Файзов, раиси вилоят ҳозиринро ба муносибати анҷоми маъракаи даъватӣ табрику шодбош намуда, махсус қайд кард, ки ҷавонони бонангу ори вилоят бори дигар матонат, вафодорӣ ва қарзи фарзандиро дар назди Ватан – модар, Пешвои миллат муҳтарам Эмомалӣ Раҳмон ва ҳамаи тоҷикистониён собит карданд.

“Ҳамаи мо дар қалбу ниҳоди худ таассурот аз ташрифи навбатии Пешвои муаззами миллат муҳтарам Эмомалӣ Раҳмон ба ВМКБ, таҷлили бошукӯҳи ҷашни сисолагии соҳибистиқлолӣ дорему дар ин асно чӣ қадар корҳои ободонию созандагие дар тамоми соҳаҳо рӯи кор омаданд. Вале туҳфаи беҳтарин, ки чанде пеш аз забони худи Пешвои миллат садо дод, инро метавон корнамоии ҷавонони ВМКБ дар самти даъват ба хизмати ҳарбӣ унвон кард, зеро онҳо ин даъфа ҳам нақшаи даъватро бо сари баланд иҷро намуданд”- афзуд, Ёдгор Файзов.
Баъдан кӯдакону наваскарон дар васфи шуҷоату мардонагӣ ашъору маърӯзаҳо ва аҳли фарҳанги вилоят барномаи ҷолиби консертиро пешкаши ҳозирин намуданд.


Эзоҳи худро нависед



Рамзҳо дар расм