Имрӯз бахшида ба Рӯзи байналмилалии мубориза бар зидди коррупсия дар толори Кумитаи кор бо ҷавонон ва варзиши назди Ҳукумати Ҷумҳурии Тоҷикистон ҳамоиши назариявӣ - амалӣ таҳти унвони “Нақши ҷавонон дар муқовимат ба коррупсия” баргузор гардида, дар он кормандони Агентии назорати давлатии молиявӣ ва мубориза бо коррупсияи Ҷумҳурии Тоҷикистон, намояндагони дигар вазорату идораҳо ва ҷавонон иштирок намуданд.

Дар оғоз Шабнам Раҳимзода, муовини аввали раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар робита ба масъалаи амалҳои коррупсионӣ ҳамчун зуҳуроти номатлуб ва пешгирӣ аз он суханронӣ намуда, иброз дошт, ки ҷавонони кишвар бояд ҳамеша зиракиро аз даст надода, дар якҷоягӣ бо мақомотҳои дахлдор барои нест кардани ин падидаи номатлуб мубориза баранд.

Сипас, Муқимӣ Нигора Аминзода, сардори раёсати муқовимат ба коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар мавзӯи “Таърихи пайдоиши коррупсия ва нақши ҷавонон дар муқовимат ба ин падидаи наматлуб” маърӯза намуда, таъкид кард, ки ҷавонони даврони соҳибистиқлол бояд аз имкониятҳои имрӯза истифода бурда, дар пешгирии коррупсия, хусусан пешгирӣ аз ҳама гуна зуҳуроти аз лиҳози сиёсию мафкуравӣ барои давлату миллат хатарнок саҳгузор бошанд”.

Наҷиба МУРОДБЕКОВА, “ҶТ”