ҶОМЕА
Чоршанбе 08 Феврал 2023 03:04
8903
Дар театри вилоятии ба номи Меҳрубон Назарови шаҳри Хоруғ бо ташаббуси Кумитаи иҷроияи Ҳаракати ваҳдати миллӣ ва эҳёи Тоҷикистон дар ҳамкорӣ бо Мақомоти иҷроияи ҳокимияти давлатии Вилояти Мухтори Кўҳистони Бадахшон конференсияи ҷумҳуриявӣ таҳти унвони “Нақши Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон дар рушди давлатдории миллӣ” доир гардид.

Дар кори конференс раиси ВМКБ Мирзонабот Алишер Худобердӣ, мушовири калони бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Оқилзода Нурулло, раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам, ноиби Президенти Академияи миллии илмҳои Тоҷикистон Муҳаммад Абдураҳмон, раиси шаҳри Хоруғ Назарзода Ризо Шодӣ, аҳли зиё, фаъолону ҷавонон ва дигар табақаҳои ҷомеа иштироку баромад карданд.

Зимни ифтитоҳи расмии конфронс Назарзода Ризо Шодӣ, раиси шаҳри Хоруғ махсус қайд намуд, ки ба туфайли Ҳукумати Ҷумҳурии Тоҷикистон, хосса Пешвои муаззами миллат муҳтарам Эмомалӣ Раҳмон суботу оромии сартосарии кишвар ва истиқлолияти давлатӣ тахкиму тақвият ёфта, пешрафту шукуфоии меҳану вусъати рўзафзуни корҳои созандагиву бунёдкорӣ бараъло рушан асту мо аз ҳамаи ташаббусу дастгириҳои амалии Сарвари давлат самимона миннатдорем.
- Маҳз ба шарофати сулҳу субот, ваҳдати комили миллӣ имрўз шаҳри Хоруғ мизбони баргузории чандин ҳамоишҳои илмию фарҳангӣ ва варзишии сатҳи минтақавию байналмилалӣ гардидааст, ки ҳамаи ин иқдомҳо дар муаррифии имкониятҳои иқтисодию фарҳангӣ ва илмию сайёҳии Вилояти Мухтори Кўҳистони Бадахшон нақши муассир мегузоранд, - таъкид намуд, раиси шаҳри Хоруғ.

Раиси ВМКБ Алишер Худобердӣ зимни суханронӣ оид ба нақши Пешвои миллат дар таҳкими ваҳдати миллӣ ва пояҳои давлатдорӣ дар Тоҷикистон, дарки раванди сулҳофаринии тоҷикон ибрози назар намуда, қайд кард:

“Тадқиқотчиёну сиёсатшиносон, сиёсатмадорони дохилию хориҷӣ то ҳол раванди ибтидои давлатдории навини тоҷиконро мавриди таҳқиқу омўзиш ва баррасӣ қарор дода, паҳлўҳои навро кашф ва кўшиш менамоянд, ки формулаи сулҳи тоҷиконро, ки барҳақ, поягузори он Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва халқи сарбаланди тоҷик мебошанд, дар пешгирӣ ва ҳалли низоъҳои дигар истифода баранд”.
Раиси вилоят тавзеҳ дод, ки Роҳбари ҷавони давлат дар он марҳилаи фоҷеабор, ҷавонмардона зимоми ҳокимиятро ба даст гирифта, бо андеша, сухан, рафтор ва амали худ возеҳан нишон доданд, ки маҳз танҳо ва танзо ҳамин шахс қодир аст, ки ҳалли мушкилоти мавҷуда ва умуман тақдири давлату миллатро бар дўши худ гирад. Пешвои миллат аз рўзҳои нахустини давлатдорияшон ҳалли қазияро дар муколама, мусолиҳа ва гузашту авф медиданд. Дар радифи андешидани чораҳои муассир ҷиҳати истиқрори сулҳу ризояити миллӣ давлату Ҳукумати Тоҷикистон таҳти сарварии Президенти мамлакат мўҳтарам Эмомалӣ Раҳмон, пеш аз ҳама, сохт ва рукнҳои давлатдориро барқарор ва мустаҳкам гардонда, таҷдиди конститутсиониро ба вуҷуд оварда, соҳаҳои иқтисодиётро аз таназзул боз дошта, иҷтимоиёт ва ҳаёти маънавии мардумро беҳбудӣ бахшид.

Дар идомаи чорабинӣ Оқилзода Нурулло, мушовири калони бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа он нуктаро таъкид кард, ки давлатдории миллати тоҷик маҳз аз замони ба сари қудрат омадани муҳтарам Эмомалӣ Раҳмон оғоз мегардад. Баъди гузашти ҳазорсолаҳо миллати тоҷик соҳиби давлати ҳамашумули дунявӣ, демократӣ ва ҳуқуқбунёд гардид ва давлати миллии мо бо заҳмату талошҳои Президенти кишвар пурра ташаккул ёфт.

Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам зимни суханронии хеш аз боби хирадсолорӣ, шоистасолорӣ ва шахсияти таърихӣ будани Пешвои миллат муҳтарам Эмомалӣ Раҳмон ҳарф зада, зикр кард, ки “маҳз самимияту садоқат ба Ватан ва хастанопазирии Пешвои миллат даст дод, ки ин сиёсатмадори сатҳи ҷаҳонӣ тавонист, дар муддати кӯтоҳ зимоми давлатдориро мустаҳкам намояд, бо сифатҳои таҳаммулпазирӣ, мушкилнописандӣ ва ҷавонмардиаш дар дили ҳар як пиру барнои тоҷик меҳру муҳаббати софу поки ҳуввиятпарастӣ ва ватанпарастиву ватандориро бедор кунад. Дар ҳаводиси таърих ҳеҷ як унсури бегона натавонист аз рўи миллати фарҳангӣ, хирадсолор ва тамаддунофар будани миллати тоҷик руҳияи қавии онро шикаст диҳад, балки ин миллат тавонист бо фарзандони баору номуси худ ҷойгоҳи шоистаи хешро дар таърихи башарият ҳифз кунад”.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 1 2 3 4 5

Феврал 2023 c.