Дар Тоҷикистон пардохти моҳона барои кӯдакони ятим афзоиш ёфтааст.

Дар ин бора дар нишасти матбуотӣ раиси Агентии суғуртаи иҷтимоӣ ва нафақа Дилмурод Давлатзода хабар дод.

Ба гуфтаи раиси агентӣ, бо назардошти фармони ахири Президенти Ҷумҳурии Тоҷикистон муҳтарам Эмомалӣ Раҳмон, ҳаҷми миёнаи пардохтҳои иҷтимоӣ барои кӯдакони ятим дар ҷумҳурӣ то 233,9 сомонӣ расонида шуд.

Барои онҳое, ки ятими кулл ҳастанд, маблағи пардохт 151,75 сомониро ташкил медиҳад.

Ҳамзамон Давлатзода иброз намуд, ки дар Тоҷикистон дар маҷмӯъ 1 ҳазору 653 кӯдаки ятим ва 79 ҳазору 453 ноболиғе, ки яке аз волидонашонро аз даст додаанд, ба қайд гирифта шудаанд.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон ҳанӯз соли 2021 афзоиши маош ва нафақаро эълон карда буд.
Бар асоси пардохтҳои иҷтимоӣ ва маоши кормандони буҷетӣ 20-25 фоиз зиёд карда мешаванд.