Дар ноҳияи Шаҳритуз бо саҳми оилаи Куканиевҳо роҳи мошингарди як кӯча дар маркази ноҳия мумфарш карда шуд.

Сокини Ҷамоати шаҳраки Шаҳритузи ноҳияи Шаҳритуз Давлатёр Куканиев дар пайрави аз дастуру супоришҳои Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон назди худ мақсад гузошт, ки дар якҷоягӣ бо аҳли олиаашон аз ҳисоби маблағҳои пасандоз намудани оилавӣ саҳми худро дар раванди корҳои ободониву созандагӣ гузорад.

Ин оилаи ташаббускор дар ҳамкорӣ бо Бахши дин, танзими анъана ва ҷашну маросимҳо аз ҳисоби пасандозҳои оилавашон роҳи мошингарди деҳаи худро, ки 3 километрро ташкил менамояду солиёни зиёд таъмир нагардида буд, мумфарш намуда, барои рафту ойи воситаҳои нақлиёт дар ҳама фаслҳои сол мутобиқ гардониданд.

Гуфта шуд, маблағи таъмири роҳ 300 ҳазор сомониро ташкил дода, дар раванди татбиқи он барои босифат ва ҷавобгӯ ба талаботи роҳсозӣ анҷом додани корҳои навсозии роҳ мутахассисон ва техникаҳои Муассисаи давлатии нигоҳдории роҳҳои мошингарди ноҳия сафарбар карда шуданд.

Ба андешаи аҳли ҷамоатчигии деҳоти Шаҳритуз роҳандозӣ намудани чунин иқдомоти нек баробари ободониву бунёдкорӣ намунаи ибрат бошад.