ҶОМЕА
Сешанбе 31 Март 2020 02:41
6786
Мувофиқи маълумотҳои оморию гумрукӣ соли 2019 ба ҷумҳурӣ 85,8 ҳазор тонна орд бо нархи миёнаи 245 доллари ИМА барои 1 тонна ворид карда шудааст, ки нисбат ба соли гузашта 38,6 ҳазор тонна зиёд мебошад.

Дар ин бора Муминзод Абдулмаҷид Мубин, сардори Хадамоти зиддиинҳисории назди Ҳукумати Ҷумҳурии Тоҷикистон, 29-уми январ зимни нишасти матбуотӣ иттилоъ дод.

Номбурда дар идома вобаста ба баланд гардидани нархи орд дар кишвар гуфт: “Дар хусуси асоснок будани болоравии нархи орд, танзим ва ба низом даровардани нарху тарифҳои озод ба молу маҳсулоти аз ҷиҳати иҷтимоӣ зарурӣ, инчунин пешгирӣ аз ҳолатҳои амали мувофиқашуда дар бозорҳои истеҳсол ва фуруши орд, дар якчанд корхонаҳои коркарди гандум санҷиши ғайринақшавӣ гузаронида шуд. Дар рафти гузаронидани санҷиши ғайринақшавӣ ошкор карда шуд, ки корхонаҳои коркарди гандум зимни тартиб додани калкулятсия ва дар заминаи он муқаррар намудани нархи маҳсулотҳои аз гандум истеҳсолгардида, ба хатоиҳо роҳ додаанд, ки ин амали онҳо боиси беасос ба даст овардани даромад гардида буд”.

Дар идома вобаста ба масъалаи мазкур таъкид гардид, ки зимни санҷиш муайян шуд, ки корхонаҳои коркарди гандум аз имтиёзҳои давлат, аз ҷумла моратория суистифода намуда, ҳаҷми воқеии коркард ва даромади воқеиро пинҳон мекунанд. Ин камбудиҳоро ба инобат гирифта, аз корхонаҳои мазкур барои таъмини шаффофият дар муқаррар намудани арзиши воқеии орд, пешгирии арзиши беасоси нарх, роҳ надодан ба рақобати бевиҷдонона, халалдор накардани манфиатҳои ҳамаи соҳибкорони истеҳсолкунандаи орд, қатъ намудани созишҳои зиддирақобатӣ ва забоняккунӣ дар якҷоягӣ бо корхонаҳои мазкур сатҳи иловапулӣ ё сатҳи ниҳоии даромаднокии онҳоро муайян намудан, тартибдиҳии дурусти калкулятсия ва риояи он бо ирсоли Амрнома талаб карда шуд. Новобаста аз нигарониҳои зикргардида, айни замон нархи фуруши орд дар бозорҳои истеъмолии ҷумҳурӣ муътадил мебошад. 

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
24 25 26 27 28 29 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Март 2020 c.