Дар доираи барномаи Фестивали ҷаҳонии ҷавонон “Navruz Youth World Festival” ҳайати ҷавонони 26 кишвари хориҷ дар аксияи “Дарахти дӯстӣ” иштироки фаъолона намуданд.

Онҳо ба мавзеи хушбоду ҳавои Лучоби пойтахт рафта, дар макони муайяншуда ҳар як нафар зери номи кишвари хеш дарахт шинонида, акси дастаҷамъона гирифтанд.

Рӯзи аввали Фестивали ҷаҳонии ҷавонон “Navruz Youth World Festival” бо тамошои майдони “Истиқлол” ва Маҷмааи меъмории рамзи “Истиқлол” - и шаҳри Душанбе аз ҷониби иштирокчиён ба анҷом расид.

Ёдовар мешавем, ки Фестивали ҷаҳонии ҷавонон “Navruz Youth World Festival” як чорабинии байналмилалӣ мебошад, ки ҳадафи он муттаҳид намудани ҷавонони кишварҳои гуногун дар руҳияи дӯстӣ, мубодилаи фарҳангӣ ва рушди устувор аст. Ин фестивал, ки аз анъанаҳои Наврӯз илҳом гирифтааст, рамзи навсозӣ, ягонагӣ ва сулҳ байни миллатҳо мебошад.