ҶОМЕА
Шанбе 20 Июл 2024 02:28
5076

Дар толори Донишкадаи политехникии Донишгоҳи техникии Тоҷикистон ба номи академик М.Осимӣ дар шаҳри Хуҷанд  конференсияи илмӣ - амалии вилоятӣ таҳти унвони “НБО-и Роғун умри "Норак"-ро сад соли дигар дароз мекунад!” бахшида ба истифода додани агрегаи якуми НБО-и “Роғун” баргузор гардид.

Дар кори конференсия олимони ҷавонон, аспирантон, магистрантон, унвонҷӯён ва донишҷӯёни донишгоҳҳои вилоят иштироку суханронӣ намуданд.

Зимни баромадҳо зикр гардид, ки се ҳадафи стратегие, ки Пешвои муаззами миллат барои рушди хоҷагии халқи мамлакат пеш гирифтанд, барои рушду нумӯи соҳаҳои мухталифи кишвар саҳми сазовор гузошт. Яке аз  ҳадафҳои тақдирсоз тавассути бунёди нерӯгоҳҳои барқии обӣ таъмин намудани истиқлолияти энергетикӣ маҳсуб меёбад. Барои расидан ба ин ҳадафи стратегӣ бунёди НБО “Роғун” такони ҷиддӣ бахшид.

Дар фарҷоми конференсияи мазкур муҳокимаронӣ ва саволу ҷавоб доири мавзӯъҳои матраҳгашта сурат гирифта, ба якчанд нафар ҷавонони фаъол сипоснома супорида шуд.



Эзоҳи худро нависед



Рамзҳо дар расм