Дар Ҷумҳурии Тоҷикистон нишастҳои матбуотии вазорату идораҳо 22 июл оғоз мегардад, ки аз ҷамъбасти натиҷаҳои фаъолият дар шаш моҳи якуми соли 2024 ҳисобот медиҳанд.

Дар ин бора АМИТ "Ховар" иттилоъ медиҳад.

Бино ба иттилои манбаъ, нақшаи ташкил ва гузаронидани нишастҳои матбуотӣ аз ҷониби Дастгоҳи иҷроияи Президенти Ҷумҳурии Тоҷикистон тасдиқ шуда, тибқи он нишастҳои матбуотӣ 22 июл оғоз гардида, 9 август ҷамъбаст мегардад.

Дар он вазорату идораҳо, ташкилоту муассисаҳо, Мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳои Суғду Хатлон, шаҳри Душанбе, шаҳру ноҳияҳои ҷумҳурӣ аз ҷамъбасти натиҷаҳои фаъолияти шашмоҳаи аввали ниҳоди худ дар соли 2024 ҳисобот хоҳанд дод.

Зимни баргузории нишастҳои матбуотӣ намояндагони воситаҳои ахбори омма имкон доранд, ба саволҳои худ посух гиранд.

Фарзонаи УМАРАЛӢ, "ҶТ"