Соли 2023 17 рӯзноманигор аз Кумитаи телевизион ва радиои назди Ҳукумати кишвар ва воҳидҳои сохтории он дар Ҷумҳурии Мардумии Чин, Ҳиндустон ва Ҷумҳурии Исломии Эрон ба курсҳои омӯзишӣ фаро гирифта шудааст.

Ин нукта имрӯз, 29-уми январ, зимни нишасти хабарии Кумитаи телевизион ва радиои назди Ҳукумати Ҷумҳурии Тоҷикистон садо дод.
Нуриддин Саид, раиси Кумита зикр кард, ки ниҳоди зертобеаш бо бештар аз 20 давлати ҷаҳон санади ҳамкорӣ дорад.

- Аз ҷумла, дар соли 2023 Ёддошти тафоҳуми ҳамкорӣ байни Кумитаи телевизион ва радиои назди Ҳукумати Ҷумҳурии Тоҷикистон ва Бюрои иттилоотии Шӯрои давлатии Ҷумҳурии Мардумии Чин, байни Медиакорпаратсияи Чин ва байни Созмони садо ва симои Ҷумҳурии Исломии Эрон ба имзо расид, - гуфт ӯ.

Ёдовар мешавем, ки ҳоло дар кишвар дар соҳаи телевизион ва радио ду барномаи давлатӣ - "Барномаи давлатии рушди телевизион ва радио дар Ҷумҳурии Тоҷикистон барои 2021-2025" ва "Барномаи давлатии рушди пахши телевизиони рақамӣ дар Ҷумҳурии Тоҷикистон барои солҳои 2020-2024" амал мекунад.

Амони МУҲАММАД, "ҶТ"