ҶОМЕА
Душанбе 20 Май 2019 08:36
5892
Имрӯз бахшида ба Рӯзи байналмилалии оила, ки ҳамасола 15 май дар саросари ҷаҳон таҷлил мегардад, дар толори Раёсати сабти асноди ҳолати шаҳрвандии шаҳри Душанбе мизи мудаввар таҳти унвони “Пешгирии хушунат ва зуроварӣ дар оила омили устувории оилаҳои ҷавон” доир гардид. 

Мизи мудаввар бо ибтикори Кумитаи кор бо ҷавонон ва варзиш ва таҳти сарпарастии Президенти Федератсияи футболи Тоҷикистон Рустами Эмомалӣ баргузор шуда, дар он намояндагони Кумитаи кор бо ҷавонон ва варзиш, Кумитаи кор бо занон ва оила, Вазорати адлия, Вазорати корҳои дохила, Вазорати маориф ва илм, Прокуратураи генералӣ, муовинони раисони шаҳру ноҳияҳои тобеи ҷумҳурӣ ва мудирони бахшҳои кор бо ҷавонон ва варзиш иштирок ва суханронӣ намуданд.

Зимни баргузории мизи мудаввар масъалаҳои пешгирии вазъи пошхӯрии оилаҳои ҷавон, зӯроварӣ ва роҳҳои ҳалли ин масъалаи мубрам мавриди баррасӣ қарор гирифт.

Назарзода Ризо, муовини аввали раиси Кумитаи кор бо ҷавонон ва варзиш зимни ифтитоҳи мизи мудаввар оиларо асоси пешрафти ҷамъият номида, вуҷуд доштани зӯроварӣ дар оилаҳоро сабаби аз рушд боз мондани ҷомеа хонд.

- Оила мактаби аввалинест, ки инсон дар он тарбият мегирад, донишу малакаи рӯзгордориро аз худ мекунад, ҳамзистӣ бо атрофиёнро меомӯзад, ҳамунин фарзандон, ки ҳамарӯза аз ин дабистон, ки омӯзгоронаш падару модар мебошанд, таълим мегиранд. Таъсири оила ба инкишофи минбаъдаи шахсият ҳисагузор мебошад. Дар оилаи носолим, ки ҷанҷолу пархош дорад, тарбияи фарзандон душвор аст. Модоме, ки муҳити оила, муносибати волидайн, кору рафтори онҳо ба тарбияи фарзанд таъсири мусбат расонида натавонад, мо ҳеҷ гоҳ аз чунин  оилаҳо фарзандони солимро интизор шуда наметавонем,- илова кард, Назарзода Р.

Умарзода Саида Ҳайдар, муовини аввали вазири тандурустӣ ва ҳифзи иҷтимоии аҳолӣ доири паёмадҳои зӯроварӣ дар оила маърӯза карда, гуфт: фарзандони оилаҳое, ки дар онҳо хушунату зуроварӣ ҷой дорад, ҳатман аз нигоҳи ақливу равонӣ носолим тарбия меёбанд.
 
Сардори раёсати асноди ҳолатҳои шаҳрвандии Вазорати адлия Сироҷзода Саодатбӣ аз парокандашавии оилаҳо, ки аксаран дар натиҷаи хушунату зуровариҳои паёпай ба миён меоянд нигаронӣ карда, аз аҳли ҷомеа даъват ба амал овард, ки новобаста аз чизе дар пешгирӣ кардани он саҳмгузор бошанд. 

- Дар бунёди оила пастиву баландӣ, ҳамвориву нишебиҳо ҳастанд, ки онро сарбаландона гузаштан масъулият ва сабру таҳаммулро тақозо мекунад. Моро зарур аст, ки барои пойдории оила бисёр душвориҳоро паси сар кунему ҳамдигарфаҳм бошем,-гуфт Сироҷзода С.

Ҳамин тариқ намояндагони чанд ниҳоди дахлдори соҳа доири мавзуи зикршуда маъруза намуда, дар охир миёни иштирокдорони мизи мудаввар суолу ҷавоб ва музокирот сурат гирифт.

02.jpg

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Май 2019 c.