ҶОМЕА
Ҷумъа 20 Май 2022 09:56
1477
Имрӯз, 6 сентябр озмуни рӯзномаи “Ҷумҳурият” ба ба хотири гиромидошти журналист ва шоири шинохта Ғоиб Сафарзода натиҷагирӣ шуд.

Озмун ба истиқболи 25-солагии Истиқлолияти давлатии Тоҷикистон бо ибтикори нашрияи расмии Тоҷикистон - рӯзномаи “Ҷумҳурият” якҷо бо мақомоти иҷроияи маҳаллии ҳокимияти давлатии ноҳияи Восеъ эълон гардида буд.

Гуфта шуд, дар озмун журналистон, адибон, публитсистон ва ҳамаи онҳое, ки ба эҷод алоқаманданд, иштирок карданд. Ба озмун 50 матлаб дар жанрҳои публисистӣ: мақола, лавҳа, очерк, памфлет ва ғайра пешниҳод гардид, ки 12 матлаб беҳтарин дониста шуд.

Матлабҳои 2 нафар - Сипеҳри Ҳасан ва Сайвалӣ Азизов сазовори ҷойи дуюм ва 3 нафар - Ато Ҳамдам, Азим Бойдиев ва Умари Шерхон мақоми сеюм гардиданд. Барои ҷои дуюм 2000 сомонӣ ва барои ҷои сеюм 1000 сомонӣ супорида шуд. 7 нафари дигар - Ҷонибек Асрориён, Ҳабиб Искандаров, Ҷумъахон Темурзода, Маҷид Салим, Бузургмеҳри Баҳодур, Мирзои Фирӯз ва Усмоналӣ  Холиқзода бо “Ифтихорнома” ва тӯҳфаҳои хотиравӣ тақдир гардиданд.

Гуфта шуд, ки Ғоиб Сафарзода аз насли овозадори пурҳунар ва меҳанпарасти солҳои шасти қарни бистум буд, ки бо нафаси гарм, ҷуръати адабӣ, бинишу гӯиши тоза ва афкори ғайриқолабӣ мехост ба шеър пероҳани рангин бипӯшонад, ба бедорӣ, худшиносӣ ва ҳақиқаталошии ҷомеа таконе бахшад. Ӯ дар шеъру мақолаҳояш бо ифтихор аз бузургии адабиёту фарҳанги миллӣ, пок нигоҳ доштани асолати забони модарӣ бо ҳисси баланди масъулият ҷасурона овоз баланд мекард. Ғоиб Сафарзода шоире буд ҳалим, фурӯтан, меҳрубон ва бо ғурури бешикасти ватанпарварӣ. Ӯ аз миёни мо барвақт рафта бошад ҳам, аммо ғурури шоистаи миллатпарастонааш дар дили ҳамҷиҳатон ва хонандагони осори пурғановати вай ҷовидон боқӣ хоҳад монд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Май 2022 c.