ҶОМЕА
Ҷумъа 19 Апрел 2024 04:40
Табрикоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Раҳмонзода Абдулло Қурбоналӣ бахшида ба 27 – солагии Артиши миллии Ҷумҳурии Тоҷикистон
Ҳомиёни шуҷои Ватан, ҷавонони хушиқбол!
Пеш аз ҳама бо истифода аз фурсати муносиб ҳамаи Шумо ва дар шахсияти Шумо тамоми ҳайати шахсӣ ва афсарону сарбозони ҷузъу томҳои Қувваҳои Мусаллаҳи Ҷумҳурии Тоҷикистонро ба ифтихори 27 – умин солгарди таъсисёбии Артиши миллӣ, ки дар фазои сулҳу субот, баракати даврони соҳибистиқлолии мамлакат ва дар рӯҳияи ватандӯстиву хештаншиносӣ истиқбол менамоем, самимона шодбош мегӯям.
Амнияти давлатӣ ва тартиботи ҷамъиятӣ, таъмини Истиқлолият, ҳифзи боэътимоди марзу буми кишвар ва осоиштагии мардум аз рукнҳои муҳимтарини давлатдорӣ мебошанд. Сулҳу оромии мамлакат, тамоми пешрафти ҷомеа ва таҳкими иқтидори иқтисодиву иҷтимоии давлат ба сатҳи таъмини амнияту тартибот вобаста аст.
Воқеан, ҳифзи Ватан, ҳимояи манфиати давлат вазифаи муқаддас ва пурифтихори на танҳо хизматчиёни ҳарбӣ, балки ҳар як фарди солимфикр ва бонангу номуси кишвар мебошад. Барои мо, ҷавонон яке аз муҳимтарин мактаби обутоби ҳаёт хизмат дар сафи Қувваҳои Мусаллаҳи мамлакат аст. Маҳз дар ҳамин ҷо ҳар яки мо шуҷоату мардонагӣ омӯхта, муқаддастарин арзиши ҳаёт – дӯст доштан ва содиқона муҳофизат кардани хоки поки Ватани азизро ёд мегирем. Хизмат дар сафҳои Артиши миллӣ бояд қарзи виҷдон ва ҳаққи фарзандии ҳар як ҷавони далер бошад.
Бояд гуфт, ки ҳеҷ як давлат бе таърих, фарҳанг ва Артиши миллӣ арзи вуҷуд карда наметавонад. Бунёди ҷомеаи пешрафта ва давлати аз лиҳози сиёсиву иқтисодӣ устувор мароми ҳар як кишвар буда, онро дар сурати ҳукмфармо будани сулҳу субот, ваҳдати миллӣ ва амнияти ҷомеа тарҳрезиву амалӣ намудан имконпазир аст.
Артиши миллии Ҷумҳурии Тоҷикистон бешубҳа бо заҳмату талошҳои пайгиронаи Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ба такягоҳи асосии давлат ва сипари боэътимод табдил ёфтааст. Имрӯз мо, ҷавонони саодатманди кишвар ҳамчун пайравони асили Пешвои миллат бо ҳисси баланди ватандӯстию ватанпарастӣ ва нангу номуси миллӣ амалҳои ҷавонмардонаи Пешвои муаззами миллатро ҳамчун мактаби сулҳпарварона сармашқи фаъолияти хеш интихоб намуда, баҳри нигаҳдошти марзу буми Тоҷикистон ҷони хешро дареғ намедорем.
Беҳтарин ифодаи шукргузорӣ аз соҳибватан будан ва расидан ба қадри истиқлолияти миллӣ ва давлати соҳибихтиёр, ин ватандӯстӣ буда, равшантарин изҳори ватандӯстӣ, хизмат кардан ба Ватан аст. Ҷавонони сарбаланду соҳибтамаддун, имрӯз бо ҷӯшу хурӯши ҷавонӣ, ғурури миллӣ ва нангу номуси ватандорӣ сиёсати хирадмандонаи Пешвои миллатро пайравӣ намуда, дар сафи Қувваҳои Мусаллаҳи Ҷумҳурии Тоҷикистон мардонавор ва сарбаландона хизмати ҳарбиро анҷом дода истоданд, ки ин боиси ифтихори мо масъулини соҳаи кор бо ҷавонон мебошад.
Бори дигар ҳамаи Шумо ҷавонони хушиқболи кишварро ба ифтихори ҷашни 27-умин солгарди таъсисёбии Қувваҳои Мусаллаҳ табрик гуфта, ба ҳамаи Шумо сиҳатмандиву хушбахтӣ, азму иродаи қавӣ, ғурури баланд, ҷавонмардӣ ва дар роҳи расидан ба ҳадафҳои нек барори кор орзу менамоям.
Ҳомиёни шуҷои Ватан, ҷавонони хушиқбол!
Пеш аз ҳама бо истифода аз фурсати муносиб ҳамаи Шумо ва дар шахсияти Шумо тамоми ҳайати шахсӣ ва афсарону сарбозони ҷузъу томҳои Қувваҳои Мусаллаҳи Ҷумҳурии Тоҷикистонро ба ифтихори 27 – умин солгарди таъсисёбии Артиши миллӣ, ки дар фазои сулҳу субот, баракати даврони соҳибистиқлолии мамлакат ва дар рӯҳияи ватандӯстиву хештаншиносӣ истиқбол менамоем, самимона шодбош мегӯям.
Амнияти давлатӣ ва тартиботи ҷамъиятӣ, таъмини Истиқлолият, ҳифзи боэътимоди марзу буми кишвар ва осоиштагии мардум аз рукнҳои муҳимтарини давлатдорӣ мебошанд. Сулҳу оромии мамлакат, тамоми пешрафти ҷомеа ва таҳкими иқтидори иқтисодиву иҷтимоии давлат ба сатҳи таъмини амнияту тартибот вобаста аст.
Воқеан, ҳифзи Ватан, ҳимояи манфиати давлат вазифаи муқаддас ва пурифтихори на танҳо хизматчиёни ҳарбӣ, балки ҳар як фарди солимфикр ва бонангу номуси кишвар мебошад. Барои мо, ҷавонон яке аз муҳимтарин мактаби обутоби ҳаёт хизмат дар сафи Қувваҳои Мусаллаҳи мамлакат аст. Маҳз дар ҳамин ҷо ҳар яки мо шуҷоату мардонагӣ омӯхта, муқаддастарин арзиши ҳаёт – дӯст доштан ва содиқона муҳофизат кардани хоки поки Ватани азизро ёд мегирем. Хизмат дар сафҳои Артиши миллӣ бояд қарзи виҷдон ва ҳаққи фарзандии ҳар як ҷавони далер бошад.
Бояд гуфт, ки ҳеҷ як давлат бе таърих, фарҳанг ва Артиши миллӣ арзи вуҷуд карда наметавонад. Бунёди ҷомеаи пешрафта ва давлати аз лиҳози сиёсиву иқтисодӣ устувор мароми ҳар як кишвар буда, онро дар сурати ҳукмфармо будани сулҳу субот, ваҳдати миллӣ ва амнияти ҷомеа тарҳрезиву амалӣ намудан имконпазир аст.
Артиши миллии Ҷумҳурии Тоҷикистон бешубҳа бо заҳмату талошҳои пайгиронаи Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ба такягоҳи асосии давлат ва сипари боэътимод табдил ёфтааст. Имрӯз мо, ҷавонони саодатманди кишвар ҳамчун пайравони асили Пешвои миллат бо ҳисси баланди ватандӯстию ватанпарастӣ ва нангу номуси миллӣ амалҳои ҷавонмардонаи Пешвои муаззами миллатро ҳамчун мактаби сулҳпарварона сармашқи фаъолияти хеш интихоб намуда, баҳри нигаҳдошти марзу буми Тоҷикистон ҷони хешро дареғ намедорем.
Беҳтарин ифодаи шукргузорӣ аз соҳибватан будан ва расидан ба қадри истиқлолияти миллӣ ва давлати соҳибихтиёр, ин ватандӯстӣ буда, равшантарин изҳори ватандӯстӣ, хизмат кардан ба Ватан аст. Ҷавонони сарбаланду соҳибтамаддун, имрӯз бо ҷӯшу хурӯши ҷавонӣ, ғурури миллӣ ва нангу номуси ватандорӣ сиёсати хирадмандонаи Пешвои миллатро пайравӣ намуда, дар сафи Қувваҳои Мусаллаҳи Ҷумҳурии Тоҷикистон мардонавор ва сарбаландона хизмати ҳарбиро анҷом дода истоданд, ки ин боиси ифтихори мо масъулини соҳаи кор бо ҷавонон мебошад.
Бори дигар ҳамаи Шумо ҷавонони хушиқболи кишварро ба ифтихори ҷашни 27-умин солгарди таъсисёбии Қувваҳои Мусаллаҳ табрик гуфта, ба ҳамаи Шумо сиҳатмандиву хушбахтӣ, азму иродаи қавӣ, ғурури баланд, ҷавонмардӣ ва дар роҳи расидан ба ҳадафҳои нек барори кор орзу менамоям.
Хабарҳои дигар
Рӯзнома
Эзоҳи худро нависед