Воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи кишвар 2155 ҷинояти коррупсионӣ ва иқтисодии хусусияти коррупсионидошта нисбати 1176 нафар, инчунин бо дигар моддаҳои Кодекси ҷиноятии Ҷумҳурии Тоҷикистон ошкор намудаанд, ки 918 адади он ба гурӯҳи ҷиноятҳои вазнин шомиланд.

Ин нуктаро 17 феврал Сулаймон Султонзода, директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон зимни нишасти матбуотӣ баён намуд.

Ҳамчунин гуфта шуд, ки муфаттишони Агентӣ 901 парвандаи ҷиноятиро бо дарназардошти бақия ба пешбурд қабул намуда, тафтиши пешакии 681 адади онро нисбати 826 нафар ба анҷом расонидаанд.

Т. ЮСУФӢ, "ҶТ"