Имрӯз, 30 июли соли 2019 зимни нишасти матбуоти Султонзода Сулаймон директори Агентии назорати давлатии молявӣ ва мубориза бо коррупсияи Ҷумҳурии Тоҷикистон ба хабарнигорон чунин иттилоъ дод: “Агентӣ дар шаш моҳи соли ҷорӣ 594 тафтишу санҷиши молиявӣ гузаронида, ба маблағи умумии 252,1 млн. сомонӣ зарари молявӣ ошкор намудаанд, ки дар натиҷаи тадбирҳои андешидашуда аз ин маблағ 161, 7 млн. сомонӣ ё 64,1 фоиз барқарор карда шуда, 33,4 млн. сомонӣ ба буҷетҳои ҷумҳуриявию маҳаллӣ ва 128, 3 млн. сомонӣ ба ташкилоту муассисаҳо рост меояд”. 

Ҳамчунин гуфта шуд, ки бо саҳми кормандони агентӣ дар нимсолаи соли ҷорӣ 117, 6 млн. сомонӣ маблағи бақияпулиҳо ва пинҳонгардидаи андозӣ ба буҷети давлат барқарор карда шудааст.

- Қобили зикр аст, ки ҷиноятҳои коррупсионӣ дар соҳаҳои маориф ва илм 85, тандурустӣ ва ҳифзи иҷтимоии аҳолӣ 83, нақлиёт 12, кишоварзӣ 24, меҳнат, муҳоҷират ва шуғли аҳолӣ 53, саноат ва технологияҳои нав 7, молия 3, инчунин дар сохторҳои Кумитаи давлатии идораи замин ва геодезӣ 53, Кумитаи меъморӣ ва сохтмон 15, ШСХК “Барқи тоҷик” 15, соҳаи бонкӣ 139, субъектони хоҷагидори ғайридавлатӣ 187 адад ба қайд гирифта шудааст, - гуфт зимни идомаи суҳбати худ директори агентӣ ба хабарнигорон.