Бо ширкати чор оила дар толори фарҳанги Донишгоҳи давлатии Хоруғ ба номи М. Назаршоев озмуни “Беҳтарин оилаи ҷавон” баргузор гардид.

Озмун бо ташаббуси Бахши кор бо занон ва оилаи шаҳри Хоруғ дар ҳамкорӣ бо Шуъбаи кор бо ҷавонони донишгоҳ гузаронида шуда, пас аз иҷрои шаш шарти даври ниҳоии он ғолибият насиби оилаи Бахтдавлатовҳо аз маҳалаи Бархоруғ шуд.

Ҷои дуюму сеюм бошад насиби хонаводаҳои Гулаёзову Пулодовҳо аз маҳалаи И. Сомонӣ гашт.

Ба иттилои Ёралӣ Холдоров, муовини мудири шуъба озмун ба ифтихори Рӯзи ҷавонони мамлакат ва “Соли рушди сайёҳӣ ва ҳунарҳои мардумӣ” ташкил гардида, оилаҳои иштирокчӣ дар он беҳтарин намунаи молу маҳсулот, ҳунарҳои дастриро ба маърази тамошо гузоштанд.