Бо ширкати муовини раиси ВМКБ Назира Амирбекзода ва мудири Шуъбаи кор бо занон ва оилаи шаҳри Хоруғ Сабоҳат Донаёрова озмуни вилоятии “Ҷилваи рангҳо” гузаронида шуд.

Тавре аз шуъбаи болозикр иттилоъ доданд, озмун бо мақсади муаррифӣ ва тарғиби беҳтарин либосҳои милливу расмӣ, бачагонаю сайру гаштӣ ва ғайра рӯи кор омад.

Дар озмун тарроҳону ҳунармандон ва зебосозони либосдӯз аз ноҳияҳои Дарвоз, Ванҷ, Рӯшон, Шуғнон, Ишкошим, Роштқальа ва шаҳри Хоруғ иштироку баромад карда, ҳунари волои хешро пешкаши ҳозирин намуданд.

Мавриди зикр аст, ки ҳунармандони шаҳр Ҷамила Абашоева ва Бибибиноз Мирзоева намунаҳои гуногуни тарроҳиву дӯхти либосро муаррифӣ карда, беҳтарин иштирокчёни озмун пазируфта шуданд ва бо туҳфаи хотиравӣ сарафроз гаштанд.