ҶОМЕА
Душанбе 06 Июл 2020 10:51
2126
Раёсати Бозрасии давлатии автомобилии Вазорати корҳои дохилӣ озмуни ҷумҳуриявии расми беҳтарин “Шаҳри бехатар аз нигоҳи кӯдакон-2016”-ро ҷамъбаст карда, ғолибонро эълон намуд.

Озмун бо мақсади тарғибу ташвиқи қоидаҳои ҳаракат дар роҳ дар байни кӯдакону наврасон ва пешгирии ҳодисаҳои роҳу нақлиётӣ бо иштироки онҳо, ҳавасмандкунии мактаббачагон дар омӯзиши қоидаҳои ҳаракат дар роҳ, мутобиқи «Барномаи беҳдошти таъмини бехатарии ҳаракат дар роҳҳои автомобилгарди Ҷумҳурии Тоҷикистон барои солҳои 2014-2016” аз 15 ноябр то 24 декабри соли равон доир гардид.

“Боиси хурсандист, ки сол аз сол теъдоди дӯстдорон ва иштирокчиёни озмун зиёд мегардад. Соли 2016 зиёда аз 600 расми гуногун ба озмун ворид гардид, ки аз байни онҳо ҳайати кумитаи тадорукот баъди аз назар гузаронидан 30 расми беҳтаринро интихоб намуданд. 30 нафар аз беҳтаринҳо аз тамоми гӯшаву канори ҷумҳурӣ ба даври ниҳоӣ таклиф карда шуданд”, – гуфт Наргис Тӯйчиева - сардори шуъбачаи тарғиботу ташвиқоти РБДА ВКД ҶТ.

Ҳамин тавр, ҷойи сеюм насиби хонандаи синфи якуми Литсейи президентӣ дар шаҳри Душанбе Саркор Саидов, хонандаи синфи 9-и МТМУ №101-и шаҳри Турсунзода Умар Қосимов ва хонандаи синфи панҷ аз ВМКБ Робия Ҷӯраева гардид.

Хонандагони синфи панҷуми МТМУ №35-и ноҳияи Файзобод Фарзона Солеҳова ва МТМУ №17-и ноҳияи Ҷайҳун Далер Маҳмудов сазовори ҷойи дуюм шуданд.

Ҷойи аввал ба Манижа Ашӯрова - хонандаи синфи 7-уми МТМУ №13-и шаҳри Ҳисор ва Азизбек Умаров - хонандаи синфи 6-ум аз ноҳияи Спитамен сазовор дониста шуд.

Ғолибон бо тӯҳфаҳои хотиравӣ ва дипломҳои Вазорати корҳои дохилӣ қадрдонӣ карда шуданд. Ҳамчунин ба 24 нафар иштирокчии фаъоли озмун тӯҳфаҳои хотиравӣ тақдим шуд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.