Имрӯз бо иштироки васеъи намояндагони ВАО-и кишвар нишасти хабарии Палатаи ҳисоб баргузор гардид. Дар нишасти матбуотии ниҳоди мазкур дар баробари дигар мавзӯъҳо масъалаи кам будани шумораи кормандон аз ҳисооби ҷавонон баррасӣ гардид.

Вобаста ба ин раиси ниҳоди мазкур, Чилазода Қарағон иброз дошт, ки: “Айни замон 45%-и кормандони моро ҷавонон ташкил медиҳанд ва мо кӯшиш дорем, ки теъдоди кормандонро аз ҳисоби ҷавонон зиёд намоем”.

Ҳамчунин дар ин нишаст гуфта шуд, Палатаи ҳисоб ҷоест, ки кормандон бояд таҷрибаи кории зийд дошта бошанд, то дар корҳои бардӯшбуда ба мушкилие дучор нагарданд.

“Бояд бигӯям, ки сабаби камтар кор кардани ҷавонон дар ин ниҳод маҳз ана ҳамин аст, яъне инҷо таҷрибаи зиёди кориро мехоҳад ва ин, албатта дар натиҷаи заҳмати чандинсола ба даст меояд,” - гуфт дар хулосаи худ Чилазода Қарағон.