Дар ноҳияи Роштқалъа аксия таҳти унвони “Парчамат бодо парафшон, Тоҷикистонам!” ва чорабинии фарҳангӣ ба ифтихори Рӯзи Парчами мамлакат доир гашт.

Чорабиниҳо бо иқдоми Бахши кор бо ҷавонон ва варзиши ноҳия дар ҳамкорӣ бо мақомоти иҷроияи маҳаллии ҳокимияти давлатии ноҳияи Роштқалъа гузаронида шуда, дар он зиёда аз 2000 нафар ҷавонону наврасон ширкат намуданд.

Ҷавонон бо Парчам ва шиору овезаҳои гуногун аз даромадгоҳи маркази ноҳия то варзишгоҳи “Медон” ҳаракат карданд.

Баъдан дар толори мақомот беҳтарин сарояндагони ноҳия суруду таронаҳои дилнишинро дар васфи Парчаму ватандорӣ суруданд, ки писанди аҳли толор гардид.