Илҳомҷон Атоев, муовини раиси Хадамоти алоқаи Ҷумҳурии Тоҷикистон гуфт, ки бо телефонҳои тугмачадор ва бе интренет тариқи рамзгузории махсус метавон пардохти ғайринақдиро анҷом дод.

Ӯ ин нуктаро 28 июл зимни нишасти матбуотӣ иброз дошт.

Атоев зикр намуд, ки дар мавриди пардохтҳои ғайринақдӣ ба таъмини интернети босуръат аз ҷониби Хадамот дар минтақаҳо корҳо ба сомон расонида мешавад.
- Дар асоси дастуру супоришҳои Пешвои миллат, алалхусус дар минтақаҳои кӯҳистон, наздисарҳадӣ ва деҳот барои интернети хуб ва босифат бояд ҳарчи бештар пойгоҳҳои базавии БС-3 афзоиш дода шавад. Дар он ҷойҳо бахшҳо ва бояд зарфияташон зиёд карда шавад. Дар ин раванд кор рафта истодааст. Дар тамоми ноҳияҳои кишвар шабакаи барқӣ, интернети собит - провайдери миллӣ фаъол аст, - гуфт ӯ.

Инчунин ӯ қайд намуд, ки дар ин масъала айни замон тамоми ташкилотҳои давлатӣ, ташкилотҳои қарзии молиявӣ, Бонки миллии Тоҷикистон ва дигар ташкилотҳои қарзии бонкӣ бо Хадамоти алоқа ҳамкорӣ доранд.

- Таҳлил ва омӯзиш нишон дод, ки дар 95% минтақаҳои Ҷумҳурии Тоҷикистон алоқаи 2G фаъол аст. Инчунин пост - терминалҳое, ки дар тамоми минтақаҳо насб шудаанд, бо суръати интернети 2G пардохти ғайринақдӣ имкон дорад -, илова намуд Атоев.

Бояд гуфт, ки тибқи як Фармони Президенти Ҷумҳурии Тоҷикистон, муҳтарам Эмомалӣ Раҳмон дар кишвар аз 1 августи соли 2023 пардохти тамоми хизматрасониҳои муздноки давлатӣ тариқи ғайринақдӣ амалӣ карда мешаванд.