Зимни муроҷиат бо аризаҳои даъвогӣ ва шикоятҳо ба судҳои иқтисодӣ 4 407 856,33 сомонӣ боҷи давлатӣ пардохт карда шудааст, ки нисбат ба соли гузашта 19 848,68 сомонӣ зиёд мебошад.

Дар ин бора 8-уми феврал Рустам Мирзозода, раиси Суди Олии иқтисодии Ҷумҳурии Тоҷикистон гуфт.

Номбурда қайд кард, ки доир ба рӯёнидани маблағҳои зарар ва қарзҳои бонкӣ дар ҳамин давра ба маблағи 976 437 833,07 сомонӣ талабот арз гардида, аз он 256 748 971,55 сомонӣ талаби даъво қонеъ гардида, ба маблағи 5 462 103,05 сомонӣ боҷи давлатӣ рӯёнида шудааст.

- Инчунин, 215 аризаи даъвогӣ ва шикоятҳо беҳаракат мононда шуда, 316 аризаву шикоят бинобар ба талаботи қонунгузории мурофиавӣ мутобиқ набуданашон баргардонида шудаанд, - гуфт Р. Мирзозода.

Ҳошим РАҲМАТУЛЛОЕВ, “ҶТ”