ҶОМЕА
Якшанбе 28 Апрел 2024 11:24
Хубии ин навъи пардохт дар чист?
Дар асоси Фармони Президенти Ҷумҳурии Тоҷикистон муҳтарам Эмомалӣ Раҳмон аз 1 августи соли 2023 тамоми хизматрасониҳои муздноки давлатӣ, аз ҷумла пардохти андозҳо, боҷу ҷаримаҳо ва дигар пардохтҳои ҳатмӣ танҳо тариқи ғайринақдӣ ҷараён мегирад. Аз ин хусус, суҳбате доштем бо сардори хадамоти матбуот ва рекламаи КВД “Амонатбонк” Дилафрӯз Раҳматова.
– Лутфан мегуфтед, ки Фармони Президенти кишвар муҳтарам Эмомалӣ Раҳмон “Дар бораи тадбирҳои вусъат додани ҳисоббаробаркунии ғайринақдӣ” чӣ гуна амалӣ мегардад?
– “Амонатбонк” ҷиҳати иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо таҳияи нақшаи амал марҳилаҳои татбиқ намудани корҳои заруриро оғоз бахшид. Ҷиҳати ба роҳ мондани ҳамкориҳои зич бо мақомоти иҷроияи ҳокимияти давлатӣ аз 27 апрел то 6 майи соли 2023 сардорони воҳидҳои сохтории дастгоҳи марказии бонк ба шаҳру навоҳии кишвар сафарбар гардида, дар ҳамкории бевосита ва ширкати васеи сохторҳои давлатӣ, фаъолони ҷамоатҳои шаҳру деҳот, раисони маҳаллаю роҳбарони хоҷагиҳои деҳқонӣ, зиёиён ва дигар табақаҳои аҳолӣ корҳои фаҳмондадиҳиро ҷиҳати баланд бардоштани маърифати молиявии аҳолӣ дар самти ҳисоббаробаркуниҳои ғайринақдӣ ва хизматрасониҳои фосилавӣ роҳандозӣ намуданд.
Ҷиҳати тақвият бахшидани инфрасохтори зарурӣ барои пардохти ғайринақдии андозҳо, боҷҳои давлатӣ, ҷаримаҳо, маблағи суғуртаи ҳатмӣ, хизматрасониҳои коммуналӣ ва намудҳои дигари хизматрасониҳои давлатӣ, дар филиалҳо, марказҳои хизматрасонии бонкӣ ва биноҳои нозироти андоз дар маҷмӯъ 853 адад нуқтаҳои пардохт, аз ҷумла 820 адад дар филиалҳои бонк ва 33 адад дар нозироти андоз насб карда шуд. Татбиқи лоиҳаи пардохти ғайринақдии давлатӣ аз даҳаи сеюми моҳи март оғоз ёфт. Тавассути нуқтаҳои пардохтӣ то имрӯз зиёда аз 275 млн. сомонӣ маблағҳои гуногун ба буҷаи ҷумҳурӣ интиқол ёфтааст.
– Тавре ба ҳамагон маълум аст, масъалаи пардохти ғайринақдиро Пешвои миллат муҳтарам Эмомалӣ Раҳмон дар Паёми хеш ба Маҷлиси олӣ ҳанӯз моҳи декабри сол пешин ба миён гузошта буд...
– Бале, ҳамин тавр аст. Роҳбарияти “Амонатбонк” оғоз аз моҳи январи соли ҷорӣ сари ин масъала, яъне роҳандозии шакли нави пардохт маҷмуи тадбирҳоро дида баромад. Дар ин замина роҳбарияти КВД “Амонатбонк” ҷиҳати шарҳи Фармони Президенти Ҷумҳурии Тоҷикистон “Дар бораи тадбирҳои вусъат додани ҳисоббаробаркунии ғайринақдӣ” бо намояндагони воситаҳои ахбори омма вохӯрӣ анҷом дод ва шакли нави пардохтҳоро ба намояндагони васоити ахбори омма шарҳу баён дошт.
– Беҳбудии пардохти ғайринақдӣ дар чист?
– Пардохти ғайринақдӣ пеш аз ҳама барои таъмини шаффофияти амалиётҳои молиявӣ, бо ин васила ғанӣ гардонидани буҷаи давлатӣ, пешгирии омилҳои ришвахорӣ мусоидат намуда, ба рушди бахши молиявӣ ва баланд бардоштани маърифати молиявии аҳолӣ заминаи воқеӣ мегузорад.
– Мизоҷон чӣ гуна метавонанд пардохти ғайринақдиро анҷом диҳанд?
– Имрӯз марказҳои хизматрасонии бонкӣ ва филиалҳои “Амонатбонк” барои анҷом додани хизматрасониҳои ғайринақдӣ бо истифода аз кортҳои миллӣ, низоми пардохти миллии “корти миллӣ” омода буда, шахсони воқеӣ ва соҳибкорон метавонанд, ҳама намуди андозҳо ва дигар пардохтҳои ҳатмӣ ва коммуналиро тавассути шабакаҳои пардохтии бонк анҷом диҳанд. Бо мақсади тавсеа ва тақвият бахшидани хизматрасониҳои фосилавӣ, дар замимаи барномаи “Амонатмобайл” имконияти анҷом додани пардохти андозҳо (10 намуд) ва хизматрасониҳои коммуналӣ татбиқ шудааст. Айни замон шумораи умумии истифодабарандагони барномаи мобилӣ 384433 нафарро ташкил медиҳад. “Амонатбонк” кортҳои бе номи “Фарогир”-ро интишор намуда, ба мизоҷон ба таври ройгон дастрас месозад, ки мизоҷон бо истифода аз кортҳои мазкур метавонанд, ба таври ғайринақдӣ пардохтҳоро анҷом диҳанд.
Илова бар он, имкон муҳайё мегардад, шаҳрвандон вақти худро беҳуда сарф насозанд. Тавассути телефони дастӣ, ҳатто дар хона пардохтҳои лозимаро метавон анҷом дод.
– Оё дар нуқтаҳои савдо низ пардохти ғайринақдӣ ба роҳ монда мешавад?
– Дар баробари хизматрасониҳои болозикр, дар ташкилоту муассисаҳои давлатӣ 265 адад ва дар нуқтаҳои савдо ва хизматрасонӣ 712 адад нуқтаҳои пардохт насб гардида, ҳамзамон истифодаи фаъолонаи QR-рамзҳо низ ба роҳ монда шудааст. Албатта, дар шароити кунунӣ чунин рақами насби нуқтаҳои пардохт дар нуқтаҳои савдо хеле кам аст. Бо ин мақсад мо мекӯшем, корҳои насбсозиро идома бахшида, дар саросари ҷумҳурӣ натанҳо пардохтҳои ҳатмӣ тариқи ғайринақдӣ ҷараён гирад, ҳамчунин пардохт дар муомилаи савдо дар мағозаю дӯконҳо ва бозорҳо. Албатта, ҳама корро якбора анҷом дода намешавад. Барои ин вақт даркор.
Фараҳноз САФАРОВА,
“ҶТ”
Дар асоси Фармони Президенти Ҷумҳурии Тоҷикистон муҳтарам Эмомалӣ Раҳмон аз 1 августи соли 2023 тамоми хизматрасониҳои муздноки давлатӣ, аз ҷумла пардохти андозҳо, боҷу ҷаримаҳо ва дигар пардохтҳои ҳатмӣ танҳо тариқи ғайринақдӣ ҷараён мегирад. Аз ин хусус, суҳбате доштем бо сардори хадамоти матбуот ва рекламаи КВД “Амонатбонк” Дилафрӯз Раҳматова.
– Лутфан мегуфтед, ки Фармони Президенти кишвар муҳтарам Эмомалӣ Раҳмон “Дар бораи тадбирҳои вусъат додани ҳисоббаробаркунии ғайринақдӣ” чӣ гуна амалӣ мегардад?
– “Амонатбонк” ҷиҳати иҷрои дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо таҳияи нақшаи амал марҳилаҳои татбиқ намудани корҳои заруриро оғоз бахшид. Ҷиҳати ба роҳ мондани ҳамкориҳои зич бо мақомоти иҷроияи ҳокимияти давлатӣ аз 27 апрел то 6 майи соли 2023 сардорони воҳидҳои сохтории дастгоҳи марказии бонк ба шаҳру навоҳии кишвар сафарбар гардида, дар ҳамкории бевосита ва ширкати васеи сохторҳои давлатӣ, фаъолони ҷамоатҳои шаҳру деҳот, раисони маҳаллаю роҳбарони хоҷагиҳои деҳқонӣ, зиёиён ва дигар табақаҳои аҳолӣ корҳои фаҳмондадиҳиро ҷиҳати баланд бардоштани маърифати молиявии аҳолӣ дар самти ҳисоббаробаркуниҳои ғайринақдӣ ва хизматрасониҳои фосилавӣ роҳандозӣ намуданд.
Ҷиҳати тақвият бахшидани инфрасохтори зарурӣ барои пардохти ғайринақдии андозҳо, боҷҳои давлатӣ, ҷаримаҳо, маблағи суғуртаи ҳатмӣ, хизматрасониҳои коммуналӣ ва намудҳои дигари хизматрасониҳои давлатӣ, дар филиалҳо, марказҳои хизматрасонии бонкӣ ва биноҳои нозироти андоз дар маҷмӯъ 853 адад нуқтаҳои пардохт, аз ҷумла 820 адад дар филиалҳои бонк ва 33 адад дар нозироти андоз насб карда шуд. Татбиқи лоиҳаи пардохти ғайринақдии давлатӣ аз даҳаи сеюми моҳи март оғоз ёфт. Тавассути нуқтаҳои пардохтӣ то имрӯз зиёда аз 275 млн. сомонӣ маблағҳои гуногун ба буҷаи ҷумҳурӣ интиқол ёфтааст.
– Тавре ба ҳамагон маълум аст, масъалаи пардохти ғайринақдиро Пешвои миллат муҳтарам Эмомалӣ Раҳмон дар Паёми хеш ба Маҷлиси олӣ ҳанӯз моҳи декабри сол пешин ба миён гузошта буд...
– Бале, ҳамин тавр аст. Роҳбарияти “Амонатбонк” оғоз аз моҳи январи соли ҷорӣ сари ин масъала, яъне роҳандозии шакли нави пардохт маҷмуи тадбирҳоро дида баромад. Дар ин замина роҳбарияти КВД “Амонатбонк” ҷиҳати шарҳи Фармони Президенти Ҷумҳурии Тоҷикистон “Дар бораи тадбирҳои вусъат додани ҳисоббаробаркунии ғайринақдӣ” бо намояндагони воситаҳои ахбори омма вохӯрӣ анҷом дод ва шакли нави пардохтҳоро ба намояндагони васоити ахбори омма шарҳу баён дошт.
– Беҳбудии пардохти ғайринақдӣ дар чист?
– Пардохти ғайринақдӣ пеш аз ҳама барои таъмини шаффофияти амалиётҳои молиявӣ, бо ин васила ғанӣ гардонидани буҷаи давлатӣ, пешгирии омилҳои ришвахорӣ мусоидат намуда, ба рушди бахши молиявӣ ва баланд бардоштани маърифати молиявии аҳолӣ заминаи воқеӣ мегузорад.
– Мизоҷон чӣ гуна метавонанд пардохти ғайринақдиро анҷом диҳанд?
– Имрӯз марказҳои хизматрасонии бонкӣ ва филиалҳои “Амонатбонк” барои анҷом додани хизматрасониҳои ғайринақдӣ бо истифода аз кортҳои миллӣ, низоми пардохти миллии “корти миллӣ” омода буда, шахсони воқеӣ ва соҳибкорон метавонанд, ҳама намуди андозҳо ва дигар пардохтҳои ҳатмӣ ва коммуналиро тавассути шабакаҳои пардохтии бонк анҷом диҳанд. Бо мақсади тавсеа ва тақвият бахшидани хизматрасониҳои фосилавӣ, дар замимаи барномаи “Амонатмобайл” имконияти анҷом додани пардохти андозҳо (10 намуд) ва хизматрасониҳои коммуналӣ татбиқ шудааст. Айни замон шумораи умумии истифодабарандагони барномаи мобилӣ 384433 нафарро ташкил медиҳад. “Амонатбонк” кортҳои бе номи “Фарогир”-ро интишор намуда, ба мизоҷон ба таври ройгон дастрас месозад, ки мизоҷон бо истифода аз кортҳои мазкур метавонанд, ба таври ғайринақдӣ пардохтҳоро анҷом диҳанд.
Илова бар он, имкон муҳайё мегардад, шаҳрвандон вақти худро беҳуда сарф насозанд. Тавассути телефони дастӣ, ҳатто дар хона пардохтҳои лозимаро метавон анҷом дод.
– Оё дар нуқтаҳои савдо низ пардохти ғайринақдӣ ба роҳ монда мешавад?
– Дар баробари хизматрасониҳои болозикр, дар ташкилоту муассисаҳои давлатӣ 265 адад ва дар нуқтаҳои савдо ва хизматрасонӣ 712 адад нуқтаҳои пардохт насб гардида, ҳамзамон истифодаи фаъолонаи QR-рамзҳо низ ба роҳ монда шудааст. Албатта, дар шароити кунунӣ чунин рақами насби нуқтаҳои пардохт дар нуқтаҳои савдо хеле кам аст. Бо ин мақсад мо мекӯшем, корҳои насбсозиро идома бахшида, дар саросари ҷумҳурӣ натанҳо пардохтҳои ҳатмӣ тариқи ғайринақдӣ ҷараён гирад, ҳамчунин пардохт дар муомилаи савдо дар мағозаю дӯконҳо ва бозорҳо. Албатта, ҳама корро якбора анҷом дода намешавад. Барои ин вақт даркор.
Фараҳноз САФАРОВА,
“ҶТ”
Хабарҳои дигар
Рӯзнома
Эзоҳи худро нависед