ҶОМЕА
Шанбе 25 Май 2024 09:57
7800
Ҷониби Русия гуфтааст, ки бо фиристодани комиссияи босалоҳият ва аз назар гузаронидани вазъи пандемиявӣ дар Тоҷикистон вуруди шаҳрвандони тоҷик ба ин кишвар баррасӣ ва бознигарӣ мешавад.

Дар ин бора, Ширин Амонзода, вазири меҳнат муҳоҷират ва шуғли аҳолии Ҷумҳурии Тоҷикистон 11-уми феврал зимни нишасти хабарӣ ба рӯзноманигорон иттилоъ дод.

Ӯ гуфт, ки дар ҷаласаи ҳайатҳои ҳукуматии Тоҷикистон ва Русия дар рӯзҳои 8 ва 9-уми феврал, ки ӯ низ дар он ширкат дошт, ин масъала баррасӣ гардид.

“Бо фиристодани як комиссияи босалоҳият ва аз назар гузарондани вазъият, масъалаи вуруди шаҳрвандони Тоҷикистонро ба ҳудуди Русия барои дарёфти кор бознигарӣ мекунанд”, - гуфт дар идома.

Ҳамчунин вазири меҳнат муҳоҷират ва шуғли аҳолӣ гуфт, ки тайи ду моҳи ахир дар Тоҷикистон ягон мавриди гирифторӣ ба бемории COVID-19 сабт нашудааст.

Ёдовар мешавем, ки Русияву Тоҷикистон аз моҳи марти соли 2020 барои пеш омадани бемории COVID-19 парвозҳои мунтазами ҳавопаймоҳо миёни ҳамдигарро қатъ намуданд.

Эзоҳи худро нависед



Рамзҳо дар расм