Ба иттилои Сулаймон Давлатзода, раиси Кумита оид ба корҳои дин, танзими анъана ва ҷашну маросимҳои назди Ҳукумати ҷумҳурӣ бинобар маълумоти пешниҳоднамудаи комиссияҳои доимии вилоятҳо ва шаҳру ноҳияҳо соли гузашта аз 131535 маъракаи барпо шуда, 768 қонуншиканӣ ба қайд гирифта шудааст.

- Дар давраи ҳисоботӣ, - афзуд С. Давлатзода, - аз тарафи комиссияҳои доимии танзими анъана ва ҷашну маросимҳо дар ҷараёни баргузории маъракаҳо дар маҷмӯъ 23862 санҷиш гузаронида шуд. Мутобиқи маълумоти пешниҳоднамудаи Суди олӣ нисбати 768 қонуншиканӣ протокол тартиб дода шуда, ҷиҳати чораандешӣ ба мақомоти судӣ фиристода шудаанд.

Ҳамчунин зикр гардид, ки баъди чор моҳи тағйиру иловаҳо ба Қонун “Дар бораи танзими анъана ва ҷашну маросимҳо дар Ҷумҳурии Тоҷикистон” танҳо аз ҳисоби танзими ду маърака 31 млн. сомонӣ пасандоз гардидааст.