25 январ бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар якҷоягӣ бо Кумитаи кор бо занон ва оилаи назди Ҳукумати Ҷумҳурии Тоҷикистон ва Кумитаи рушди сайёҳии назди Ҳукумати Ҷумҳурии Тоҷикистон Ҳамоиши назариявӣ – амалӣ дар мавзӯи “Паёми Пешвои миллат – роҳнамои мо ба сӯи фардои дурахшон” доир гардид.

Ҳамоиши мазкур дар ҳошияи дастуру супоришҳо ва вазифагузориҳое, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатии худ ба Маҷлиси Олии Ҷумҳурии Тоҷикистон 28 декабри соли 2023 баён доштанд, баргузор шуд.

Дар ҳамоиш Гулаҳмадзода Зулфиқор, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Мансурӣ Дилрабо, муовини Раиси Маҷлиси намояндагони Маҷлиси Олии Ҷумҳурии Тоҷикистон, Қурбонзода Ҳилолбӣ, раиси Кумитаи кор бо занон ва оилаи назди Ҳукумати Ҷумҳурии Тоҷикистон, Муминзод Камолиддин, раиси Кумитаи рушди сайёҳии назди Ҳукумати Ҷумҳурии Тоҷикистон, Муҳаммад Ғоиб, Шоири халқии Тоҷикистон, Обидзода Фозил Саид, раиси Фраксияи ҲХДТ, Маликзода Парвина, вакили Маҷлиси намояндагони Маҷлиси Олии Ҷумҳурии Тоҷикистон, Хонзода Абдураҳмон, роҳбари дастгоҳи КМИ ҲХДТ, кормандони кумитаҳои кор бо ҷавонон ва варзиш, кор бо занон ва оила ва рушди сайёҳӣ, варзишгарон, гирандагони Стипендияи президентӣ иштирок намуданд.

Дар рафти вохӯрӣ доир ба нуктаҳои муҳими Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии кишвар суханронӣ намуданд.

Гуфта шуд, ки Паёми навбатии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ санади сарнавиштсоз мебошад. Имрӯз танҳо масъулиятшиносӣ ва ташаббускории мо-ҷавонон ва шаҳрвандон боқӣ мондааст, то баҳри дар амал татбиқ намудани дастуру супоришҳои Пешвои миллат кӯшиш созем ва ҷашни бузурги 35-солагии Истиқлолияти давлатии Ҷумҳурии Тоҷикистонро бо дастовардҳои назаррас истиқбол намоем.

Дар ҷамъбаст аз ҷониби муовини раиси Маҷлиси намояндагони Маҷлиси Олии Ҷумҳурии Тоҷикистон ба раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ифтихорномаи Маҷлиси намояндагони Маҷлиси Олӣ супорида шуд.