ҶОМЕА
Панҷшанбе 18 Апрел 2024 08:14
Паёми табрикотии Абдулло Раҳмонзода – раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи Конститутсия
Санаи 6-уми ноябрро мо ҳар сол ҳамчун Рӯзи Конститутсияи Ҷумҳурии Тоҷикистон таҷлил менамоем.
Баъди ба даст овардани истиқлолияти миллӣ 6-уми ноябри соли 1994 бо дастгирию талошҳо ва иродаи мустаҳками халқи тоҷик санади тақдирсоз-Конститутсияи Ҷумҳурии Тоҷикистон бо тариқи раъйпурсии умумихалқӣ қабул гардид. Он имрӯз ба панҷгонаи конститутсияҳои беҳтарини ҷаҳон дохил гардидааст, зеро дар 10 боб ва 100 моддаи он тамоми паҳлуҳои риояи ҳуқуқу озодиҳои инсон ва шаҳрванд инъикос гардида, заминаи ҳуқуқӣ фароҳам оварда шудааст.
Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон дар яке аз суханрониҳои худ қайд карда буданд, ки Конститутсия ба сифати қонуни олӣ заминаҳои ҳуқуқии пешрафти ҷомеаро аз тариқи қабули қонунҳои нав гузошта, муносибатҳои ҷамиятии мухталифро таҳти танзим қарор медиҳад. Инчунин дар суханронии дигари худашон қайд намуда буданд, ки ҳадафи сиёсии мо барпо кардани давлати демократию ҳуқуқбунёд аст. Дар ин ҷода, Конститутсияи Ҷумҳурии Тоҷикистон ҳамчун санади воломақоми миллат ва шоҳсутуни устувори сулҳу ваҳдат, раҳнамои ҳамешагии мо хоҳад буд.
Қобили қайд аст, ки Конститутсия барои ҳар давлат шакли олии падидаи ҳуқуқӣ ба шумор рафта, дар давраҳои гуногун, баҳри таъмини гузариши ҳаёти ҷамъиятӣ аз як марҳила ба марҳилаи сифатан нави инкишоф қабул мешавад.
Вобаста ба пешрафти ҷомеа ва бо дарназардошти дигаргуншавии рӯзафзуни зиндагии сокинони кишвар зарурат пеш омад, то 3 маротиба, солҳои 1999, 2003 ва 2016 ба Конститутсия ҷумҳурӣ тағйирот ворид карда шавад. Хусусан, тағйироти охирини воридшуда асосан барои насли ҷавон нигаронида шуда буд. Ин тағйиротҳо барои ҷавонони кишвар тамоми шароитҳоро фароҳам намуд. Синни номзад ба президентӣ дар ҷумҳурӣ, аъзои Маҷлиси миллӣ, вакилони Маҷлиси намояндагон ва судяҳо 30 муайян шудааст. Ин аз ғамхории навбатии хусусан Пешвои муаззами миллат, Президенти мамлакат, муҳтарам Эмомалӣ Раҳмон гувоҳӣ медиҳад.
Бояд гуфт, ки эҳтиром гузоштан ба Конститутсия ва риояи қонунҳои амалкунандаи ҷумҳурӣ яке аз муҳимтарин омилҳои амнияту осоиштагӣ ва устувории давлат маҳсуб меёбад. Хусусан дар замоне, ки вазъи ҷаҳон номусоид аст, пойбанди қонун будан, аз ҳар вақти дигар дида манфиатноктар аст.
Дар воқеъ, Конститутсияи мо ифодагари ормону омоли мардуми тоҷик аст ва он аз фарҳанги пурғановату таърихи қадимаи миллат сарчашма мегирад. Мо ифтихор дорем, ки тамоми арзишҳои милливу башардӯстиамон имрӯз эҳё шудааст ва онҳо дар муҳимтарин санадҳои давлатдорӣ, аз ҷумла дар Конститутсияи мамлакат ҳамчун меъёр пазируфта шудааст. Аз ин рӯ, вазифаи ҷавонон ва кулли мардуми кишвар ин аст, ки ин меъёрҳоро сармашқи зиндагиву кору фаъолияти ҳаррӯзаи худ қарор диҳанд ва барои поймол нашудани он ҳамеша талош варзанд.
Инак, 26 сол аст, ки ин Конститутсия ба халқи тоҷик кафолати озодию соҳибихтиёриро мебахшад. 26 сол аст, ки дар асоси муқаррароти дар он дарҷгардида муваззафони ҳуқуқ фаъолият мебаранд. Адолатро пойдор месозанд. 26 сол аст, ки ба воситаи он Тоҷикистонро ҷаҳониён ҳамчун давлати ҳуқуқӣ шинохтанд. 26 сол аст, ки ин Конститутсия устувору побарҷост. Воқеан, доштани ин китоби муҳиму ин санади тақдирсоз арзанда аст ба шукргузорӣ. Шоиста аст ба ифтихормандӣ. Рӯзи қабулаш сазовор аст ба таҷлили бошукӯҳ ва риояаш мебарад ба саодатмандӣ.
Бо эътимоди қавӣ метавон гуфт, ки 26 солагии Конститутсияи Ҷумҳурии Тоҷикистон ҳамчун ҷашни мубораки миллӣ ба густариши бештари худогоҳиву худшиносӣ, ваҳдати миллӣ, ҳисси ватандӯстиву ватанпарастӣ ва ифтихори ватандории ҳар як фарди бонангу номуси Тоҷикистони соҳибистиқлол неруи тоза мебахшад.
Дар охир, кулли сокинони кишвар, алалхусус ҷавонону варзишгарони ҷумҳуриро бо 26-умин солгарди қабули Конститутсияи Тоҷикистони азиз муборакбод гуфта, ба онҳо рӯзгори босаодатро орзумандам.
Санаи 6-уми ноябрро мо ҳар сол ҳамчун Рӯзи Конститутсияи Ҷумҳурии Тоҷикистон таҷлил менамоем.
Баъди ба даст овардани истиқлолияти миллӣ 6-уми ноябри соли 1994 бо дастгирию талошҳо ва иродаи мустаҳками халқи тоҷик санади тақдирсоз-Конститутсияи Ҷумҳурии Тоҷикистон бо тариқи раъйпурсии умумихалқӣ қабул гардид. Он имрӯз ба панҷгонаи конститутсияҳои беҳтарини ҷаҳон дохил гардидааст, зеро дар 10 боб ва 100 моддаи он тамоми паҳлуҳои риояи ҳуқуқу озодиҳои инсон ва шаҳрванд инъикос гардида, заминаи ҳуқуқӣ фароҳам оварда шудааст.
Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон, муҳтарам Эмомалӣ Раҳмон дар яке аз суханрониҳои худ қайд карда буданд, ки Конститутсия ба сифати қонуни олӣ заминаҳои ҳуқуқии пешрафти ҷомеаро аз тариқи қабули қонунҳои нав гузошта, муносибатҳои ҷамиятии мухталифро таҳти танзим қарор медиҳад. Инчунин дар суханронии дигари худашон қайд намуда буданд, ки ҳадафи сиёсии мо барпо кардани давлати демократию ҳуқуқбунёд аст. Дар ин ҷода, Конститутсияи Ҷумҳурии Тоҷикистон ҳамчун санади воломақоми миллат ва шоҳсутуни устувори сулҳу ваҳдат, раҳнамои ҳамешагии мо хоҳад буд.
Қобили қайд аст, ки Конститутсия барои ҳар давлат шакли олии падидаи ҳуқуқӣ ба шумор рафта, дар давраҳои гуногун, баҳри таъмини гузариши ҳаёти ҷамъиятӣ аз як марҳила ба марҳилаи сифатан нави инкишоф қабул мешавад.
Вобаста ба пешрафти ҷомеа ва бо дарназардошти дигаргуншавии рӯзафзуни зиндагии сокинони кишвар зарурат пеш омад, то 3 маротиба, солҳои 1999, 2003 ва 2016 ба Конститутсия ҷумҳурӣ тағйирот ворид карда шавад. Хусусан, тағйироти охирини воридшуда асосан барои насли ҷавон нигаронида шуда буд. Ин тағйиротҳо барои ҷавонони кишвар тамоми шароитҳоро фароҳам намуд. Синни номзад ба президентӣ дар ҷумҳурӣ, аъзои Маҷлиси миллӣ, вакилони Маҷлиси намояндагон ва судяҳо 30 муайян шудааст. Ин аз ғамхории навбатии хусусан Пешвои муаззами миллат, Президенти мамлакат, муҳтарам Эмомалӣ Раҳмон гувоҳӣ медиҳад.
Бояд гуфт, ки эҳтиром гузоштан ба Конститутсия ва риояи қонунҳои амалкунандаи ҷумҳурӣ яке аз муҳимтарин омилҳои амнияту осоиштагӣ ва устувории давлат маҳсуб меёбад. Хусусан дар замоне, ки вазъи ҷаҳон номусоид аст, пойбанди қонун будан, аз ҳар вақти дигар дида манфиатноктар аст.
Дар воқеъ, Конститутсияи мо ифодагари ормону омоли мардуми тоҷик аст ва он аз фарҳанги пурғановату таърихи қадимаи миллат сарчашма мегирад. Мо ифтихор дорем, ки тамоми арзишҳои милливу башардӯстиамон имрӯз эҳё шудааст ва онҳо дар муҳимтарин санадҳои давлатдорӣ, аз ҷумла дар Конститутсияи мамлакат ҳамчун меъёр пазируфта шудааст. Аз ин рӯ, вазифаи ҷавонон ва кулли мардуми кишвар ин аст, ки ин меъёрҳоро сармашқи зиндагиву кору фаъолияти ҳаррӯзаи худ қарор диҳанд ва барои поймол нашудани он ҳамеша талош варзанд.
Инак, 26 сол аст, ки ин Конститутсия ба халқи тоҷик кафолати озодию соҳибихтиёриро мебахшад. 26 сол аст, ки дар асоси муқаррароти дар он дарҷгардида муваззафони ҳуқуқ фаъолият мебаранд. Адолатро пойдор месозанд. 26 сол аст, ки ба воситаи он Тоҷикистонро ҷаҳониён ҳамчун давлати ҳуқуқӣ шинохтанд. 26 сол аст, ки ин Конститутсия устувору побарҷост. Воқеан, доштани ин китоби муҳиму ин санади тақдирсоз арзанда аст ба шукргузорӣ. Шоиста аст ба ифтихормандӣ. Рӯзи қабулаш сазовор аст ба таҷлили бошукӯҳ ва риояаш мебарад ба саодатмандӣ.
Бо эътимоди қавӣ метавон гуфт, ки 26 солагии Конститутсияи Ҷумҳурии Тоҷикистон ҳамчун ҷашни мубораки миллӣ ба густариши бештари худогоҳиву худшиносӣ, ваҳдати миллӣ, ҳисси ватандӯстиву ватанпарастӣ ва ифтихори ватандории ҳар як фарди бонангу номуси Тоҷикистони соҳибистиқлол неруи тоза мебахшад.
Дар охир, кулли сокинони кишвар, алалхусус ҷавонону варзишгарони ҷумҳуриро бо 26-умин солгарди қабули Конститутсияи Тоҷикистони азиз муборакбод гуфта, ба онҳо рӯзгори босаодатро орзумандам.
Хабарҳои дигар
Рӯзнома
Эзоҳи худро нависед