Таҳти ҳамин унвон дар ноҳияи Роштқалъа бо ширкати аъзоёни Шурои тарбия ҷисмонӣ ва варзиши ноҳия мизи мудаввар баргузор гардид.

Дар он мудири Шуъбаи Агентии шуғли аҳолӣ Хуршед Амиршоев, директори муассисаи варзишӣ Сабзалӣ Баҳодурхонов ва мудири Бахши кор бо ҷавонон ва варзиши ноҳия Зуҳро Мулоуктамова, асосан амалишавии Стратегияи муқовимат бо коррупсия дар Ҷумҳурии Тоҷикистон барои солҳои 2013 - 2020 ва Кодекси меҳнати Ҷумҳурии Тоҷикистонро мавриди муҳокима қарор доданд.

Қайд шуд, ки ришвагирӣ яке аз проблемаҳои умдаи ҷомеаи муосир ба ҳисоб рафта, таҳдиди он дар ҳамаи соҳаҳои хоҷагии халқ вуҷуд дорад. Бинобар ин, вазифаи ҳар як шаҳрванд аст, то ҳаққу ҳуқуқи худро дониста, баҳри решакан ва пешгирӣ намудани ҷараёни паҳншавии омилҳои коррупсионӣ мусоидат намояд.