Дар партави дастуру супоришҳои Асосгузори сулҳу ваҳдати миллӣ – Пешвои миллат, Президенти кишвар, муҳтарам Эмомалӣ Раҳмон бо ташаббуси Кумитаи кор бо ҷавонон ва варзиши назди Ҳукумати ҷумҳурӣ дар ҳамкорӣ бо Вазорати маориф ва илм ва Кумитаи кор бо занон ва оилаи назди Ҳукумати ҷумҳурӣ бо мақсади ошноӣ пайдо намудан аз ҳолу аҳволи сокинони ҷамоати деҳоти Язғуломи ноҳияи Ванҷ, махсусан ҷавонону варзишгарон гурӯҳи корӣ таъсис дода шуда, силсилаи чорабиниҳои гуногуни маърифатӣ – фарҳангӣ ва мулоқотҳои судманд доир гардида истодааст.

Зимни мулоқот ҷавонону варзишгарон ва сокинони ҷамоат аз иқдомоту созандагиҳои Роҳбари олии кишвар, Пешвои муаззами миллат, муҳтарам Эмомалӣ Раҳмон ибрози назар намуда, таъкид намуданд, ки мо – сокинони ҷамоати деҳоти Язғуломи ноҳияи Ванҷ миннатдории самимонаи хешро ба Асосгузори сулҳу ваҳдати миллӣ – Пешвои миллат, муҳтарам Эмомалӣ Раҳмон мерасонем ва ваъда медиҳем, ки мисли кӯҳҳои баланди Бадахшон дар сиёсати пешгирифтаи Сарвари давлат устувор мемонем. Талош ба он менамоем, ки ин сарзаминро ба як кишвари афсонавӣ табдил диҳем.

Мавриди зикр аст, ки дар ҷамоати деҳоти Язғуломи ноҳияи Ванҷи ВМКБ силсилаи мулоқоту вохӯриҳо бо сокинони маҳал ва чорабиниҳои оммавию варзишӣ идома доранд.