Нимаи дуюми имрӯз дар идомаи иқдоми тақдими китоби “Пири дилҷавон”, ки бахшида ба 90-солагии рӯзномаи “Ҷавонони Тоҷикистон” ба табъ расид ва нашри махсуси рӯзнома, ки дар ҳаҷми 90 саҳифа чоп гардид, аз тарафи рӯзномаи “Ҷавонони Тоҷикистон” ҳамчунин ба Китобхонаи шаҳрии ба номи А. Лоҳутӣ низ 5 нусха китоби “Пири дилҷавон” ва нашри махсуси рӯзнома тақдим карда шуд.

Дар Китобхонаи шаҳрии ба номи А. Лоҳутӣ китоби мазкур ва нашри махсуси рӯзномаро маъмурияти китобхона бо хушнудӣ қабул карда, аз ин иқдоми рӯзномаи “Ҷавонони Тоҷикистон” изҳори сипосу истиқбол намуданд.

Ёдовар мешавем, ки имсол аз нашри аввалин шумораи рӯзномаи “Ҷавонони Тоҷикистон” 90 сол пур гардида, тақдим гардидани китоби “Пири дилҷавон” ва нашри махсуси рӯзнома дар ҳаҷми 90 саҳифа ба Китобхонаи шаҳрии ба номи А. Лоҳутӣ дар огаҳ гардидани хонандагон аз таърихи заррини 90-солаи рӯзнома мусоидат мекунад.