ҶОМЕА
Якшанбе 07 Март 2021 10:59
7384
Имрӯз дар идомаи иқдоми тақдими китоби “Пири дилҷавон”, ки бахшида ба 90-солагии рӯзномаи “Ҷавонони Тоҷикистон” чоп шуд, аз тарафи рӯзномаи “Ҷавонони Тоҷикистон” китоби мазкур ба Донишкадаи давлатии фарҳанг ва санъати Тоҷикистон ба номи Мирзо Турсунзода тақдим гардид.

Китоби “Пири дилҷавон”-ро Низомӣ Муҳриддин Зайниддин, ректори Донишкадаи давлатии фарҳанг ва санъати Тоҷикистон ба номи Мирзо Турсунзода бо хушнудӣ қабул намуда, иброз дошт: “Бо камоли эҳтиром ҳайати эҷодии рӯзномаи “Ҷавонони Тоҷикистон”-ро бахшида 90-солагии ин ҷаридаи машҳури ҷумҳурӣ самимона табрик гуфта, орзуманди онам, ки ин ҷарида боз садсолаҳои дигар барои пешрафт, ҳамчунин дар ҳаёти ҷавонон нақши арзанда мегузорад”.

Ӯ ҳамчунин гуфт: “Ман рӯзномаи “Ҷавонони Тоҷикистон”-ро аз даврони мактабхонӣ то ҳол мутолиа мекунам. Замоне, ки мо хонандаи мактаб будем, ба сафи комсомол пайвастам ва аз он замон ба газетаи “Комсомоли Тоҷикистон”, яъне рӯзномаи имрӯзаи “Ҷавонони Тоҷикистон” обуна шуда будам ва дар он вақт ин рӯзнома аз ҳаёти ҷавонон, инчунин бурду бохташон хабарҳо нашр мекард”.

Лозим ба зикр аст, ки дар китоби “Пири дилҷавон” хотироти 33 сармуҳаррири рӯзномаи “Ҷавонони Тоҷикистон”, ҳамзамон андешаҳои кормандони собиқу имрӯзи рӯзнома дарҷ гардидааст.



Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Март 2021 c.