ҶОМЕА
Якшанбе 26 Май 2024 07:38
7745
Аз ҷониби мақомоти сабти асноди ҳолати шаҳрвандии Тоҷикистон соли сипаригардида, 67 ҳазору 104 ҳолати сабти ақди никоҳ ба қайд гирифта шудааст.

Ин нуктаро Ашуриён Музаффар Қурбонмуҳаммад, вазири адлияи Ҷумҳурии Тоҷикистон зимни нишасти хабарӣ баён намуда, дар шарҳи он иброз дошт, ки ин омор соли 2019 ба зиёда аз 79 ҳазору 70 ҳолат мерасид.

Дар идома доир ба бекоршавии ақди никоҳ таъкид гардид, ки соли гузашта 10 ҳазору 536 ҳолати бекор кардани сабти ақди никоҳ ба қайд гирифта шудааст, ки дар қиёс ба соли 2019 беш аз ду ҳазор ҳолат камтар мебошад.

Вазири адлия омили асосии пош хӯрдани оилаҳоро дар мамлакат пеш аз ҳама дар омода набудани ҷавонон ба ҳаёти мустақилона ва паст будани сатҳи маърифати оиладории ҷавонон арзёбӣ намуд. Ҳамзамон вобаста ба масъалаи никоҳи хешутаборӣ дар мамлакат ва решакан намудани он афзуд, ки дар соли сипаригардида, ягон ҳолати никоҳи хешутаборӣ ба қайд гирифта нашудааст ва сол аз сол шумораи кӯдакони маъюб низ дар ҷумҳурӣ коҳиш ёфтааст.

Эзоҳи худро нависед



Рамзҳо дар расм