Таҳти ин унвон имрӯз бахшида ба Рӯзи Президенти Ҷумҳурии Тоҷикистон дар Муассисаи таълимии Коллеҷи тиббии шаҳри Бохтар конференсияи назариявӣ-фарҳангӣ баргузор гардид.

Устодону донишҷӯён ва дигар иштирокдорони чорабинии мазкур оид ба сохтори президентӣ дар идоракунии давлат андешаронӣ намуда, иброз доштанд, ки тибқи муқаррароти Конститутсия дар Ҷумҳурии Тоҷикистон интихоби Президент аз ҷониби халқ тариқи раъйдиҳӣ анҷом дода мешавад.

Гуфта шуд, ки сокинони кишвар бо татбиқи амалии сиёсати президенти худ ба таҳкими сулҳу ваҳдат, истиқлолияти давлатӣ ва рушду тақвияти тамоми самтҳои хоҷагии халқ ба зиндагии осудаву шоиста пайваста талош менамоянд.

Баробари устодону меҳмонон ҳамчунин донишҷӯён вобаста ба "Рӯзи Президенти Ҷумҳурии Тоҷикистон" баромад карданд.